Sampson; ,E pamangghi bhâdhân-kaoelâ saè kèlem è losmèn Holborn saos; eka’issa losmènna sae, tor sommo ngètek. Sè djhâng saèan sareng losmèn ghâpaneka, kaoelâ ta’ onèng.”
Sabelloenna tjompet arè orèng kaḍoewâ ghâpanèka ampon nattol dâ’ losmèn sè ètodhoeâghi Sampson ghellâ’. Sarrèna abâ’na saklangkong lesso, samarèna neḍḍhâ pas terros tèḍoeng.
Kalagghoeânnèpon saamponna Eduard ngala’ rat-sorat sè ḍâri Towan Kobâsa, ladjhoe atanja ka Sampson po’-tjompo’na orèng sè èkèrèmè sorat. Sampson sarrèna ampon onèng abit badâ è Londen, dhâddhi onèng ḍâ’ ka ka’-lèkko’na djhâlân èghika’ija. Kabidhân Eduard èntar ḍâ’ kampong Spring Gardens, èngghi panèka ka dhâlemma towan Langton, soebâddhâ towan Heatherstene sè èkèrème sorat. Sanattolla ka tjompo’na towan ghâpanèka, Eduard ladjhoe noktok labângnga. Ta’ antara abit bâdâ orèng kasorang sè mokka’è sarta Eduard ladjhoe èpamaso’ dâ’ kantoranna sè possa’ sareng koe-boekoe sareng rarengghân ana-bârna. Eduard apangghi sareng orèng kasorang wes-lowes, apaogangghoej kadhi bhâbâ parèntana Parlemmen, èngghi ghâpanèka sè anjama towan Langton; Eduard pas ngatorraghi sorat sèttong. Towan panèka nampanè sorat bhoeroeè sarta Eduard èsoro todjoe’ è korsè. Towan Langton samarèna maos sorat, adhâboe dâ’ Eduard; ,,Robâna towan Heatherstone tjè ’ngaagghebbhâ sarta tjâ’ partjadjâna ka dhika ; ghânèko soebât boelâ ; sorat nèko njebbhoettaghi, djhâ’ dhika èntara dâ’ dâdjâ’ mèlana dhika èpanjepper ko’anto pola boelâ matoro’a sorat ḍâ’ nal-kennalan boelâ èko’ issa. Towan Heatherstone so ana’na nape paâḍ bârâs? Mengkèn antos, boelâ ghi’ nolèsa sorat, sè bhâkal èkèbâ’â dhika,”
Eduard: ,,Bherkat pandjhennengngan, paḍâ saè.”
Langton: ,,Napè engghi, towan Heatherstone tja’na ngala’ ana’na soebât boelâ, Radoliffe?” .
Eduard! ,, èngghi.”
Langton: ,,Bilâ dhika sè ḍâteng?”
Eduard: ,,Bâri’ lem-malem.”
Langton: ,,Dhika napè abidhâ bâdâ èko’ijâ?”
Eduard: ,,Njara kasokan pandjhennengngan, sabâb kaoelâ sè njabis ka’kanto kadjhâbhâ èpakon ngatorraghi serrat èdhika’aghi njo’on ḍhâboe dâ’ pandjhennengngan,”
