Orèng, dhinèng Humphrey soro ḍâteng kanna’, sèngko’ sè marèksa’a dhibi’. Ba’na ngantos, adjâgâ tan-trètanna èla’ḍissa sampè’ Humphrey molè, Parkara atorra tan-trètan binè’na djrèja sanjatana ta’ pate parlo ongghoe, sè parlo ongghoe alorra Humphrey, molana èprèksa’ Sèngko’ dhibi’,”
Nalèka Patientia sareng Clara mèreng, manabi Eduard palèmana, pas amèt noro’a, èn-maèna ka Alice sareng Edith; paplèmanna asarengnga Humphrey. Sareng Humphrey ampon ḍoe arè abiddhâ sè bâḍâ è dhâlemma towan Kobâsa, pas èdhika’aghi palèman.
BHAB SE KAPENG PETTO’.
Kaljatora èḍâlem mosèni tjcllep (Winter) Humphrey ampon bânnja’ ollèna nganḍhoe rebbhâ kerrèng, bhâḍhi teḍḍhâna boe-oboeânnèpon, mèlana èbinna ta’ kakorangan teḍḍhâ’. Humphrey sareng Pablo è bâkto ghâpanèka sasat tadâ’ lakona, kadjhâbhâna adjâgâ bin-èbinna sareng tja-njattja kadjoe dono, Sarrèna kana’ kaḍoewâ panèka tadâ’ neng-ennengnga dbâddhi ta’ patè arassa tjellep. Eduard èdalem mosèm ghipanèka ta’ ngennèng palèman, amarghâ ḍâri bânnja’na saldjoe, jhoeghâ sareng saldjoe ampon ollè korang, pas marloaghi njapot tan-trètanna. Humphrey asaddjhâ èntara ḍâ’ Lymington mellèa mènnja’ tana sareng bhârâng laènnèpon sè ekèra parlo. Laèn dâri ghâpanèka abâ’na ampon asamadjâ dâ’ Eduard, dja’ bhâḍhi mèghâ’â djhârân. Pakakas pamègha’èpon djârân ampon sadâjâ. E nalèka sèttong arè Humphrey asareng Pablo mangkat abhâkta pakakassa, bhâḍhi mèghâ’â djhârân. Rân-djhârân paneka è bèkto mosèm tjellep taḍâ’ sè èteḍḍhâ’â, amarghâ rebhhâ katopoan saldjoe, mèlana sè èteḍḍhâ’â è mosèm ghâpanèka namong tja’-rantja’na kadjoe nè’-kenè’. Sareng sè kaḍoewa’ ra-kèra ḍoe djhâm abiddhâ sè adjhâlân, pas nèngalè djhârân sakompolan; rebbhâ kerrèngnga pas èlaboer è tana, sopadjâ rân-djhârân ghâpanèka njandherrâ. Ta’ djhâoe dari kennengngan gha-ka’ija bâdâ pan saponapan tompo’anna saldjoe. Humphrey ngotja’: ,,Pablo, bi’na neng-enneng dijâ’ so tanenna djârcja, sengko’ bân Pak-aan èntara ngodjoek djhârân djârowa dâri boedi; sang karep èbiddhi’â ka tompo’anna saldjoe rèja, tanto pas tjekka’ ta’ kèra ngennèng boeroe; tanenna bâ’na pas ontallaghi.”
