lebbhoe saparo, nangèng tjètakka ampon ètjekkalè bhoeroes, orèng ghăpanèka ta’ matè ta’ odi’, kalowara ta’ ngennèng, kaḍălemma ta’ ngennèng, sareng Eduard ladjhoe èsoro pèghă’ sakalè. Dhinèng maj-jit sè èseddhi’na labăng èngghărowa majjitta Corbould, sè asaddjhă melessa djhoebă' ḍă' Eduard.
Kaljatora è băkto ghăpanèka hat-pendjahat sè kengèng ètangkep sadhādjăna sapolo orèng, sè kabălloe ghi’ odi’, nangèng ampon èpèkot sadhădjă sarta èdjăgă gă-padjăgăna alas kalèma, dhinèng sè ḍoewă’,sèttong malè ètèngghăr Pablo, sèttongnga malè èkèkkè’ bhoeroes, Eduard, Humphrey asareng orèng kapètto pas èntar njarè laènna ka tjompo'na Clara, mangghi Kasorang, ladjhoe èpèghă’ sarta pas èpèkot sakalè, terros èbhăkta palèman. Kalagghoeănnèpon Eduard sabhălăna ladjhoe palèman ngèrèngngaghi kampa’ ghellă’ èatorraghi ka lowanna. Pablo èngghi ngèrèng djhoeghă mowa’ majjit sè ḍoewa’. Kabit ḍări băkto ghăpanèka pas taḍa’ orèng mèrengngan bhighăl è alas tjompo'èpon Humphrey.
Sabelloenna Eduard mangkat, abă’na marèksa èssèna pettè sè èkalè Humphrey, Băḍă kampa’ kasorang nerrangngaghi mèlana poron ngampa’ da’ tjompo’èpon Humphrey sabāb njangka, pettè èngghăpanèka aèssè bhărăng ghăliăn, Saèstona hat-pendjuhat laènna ta’ poron, sè ngampa’a ka angghădija, sabăb Corbould namong anèjat matèana Eduard. Kadjhăbhă angghăpanèka rèng-orèng bhoeroe onèng, djha’ è tjompu’na Humphrey taḍă’ bhărăng sè èkètjo’a, mala namong possa’ sareng sandjhăta.
Sareng pettè ghellă’ ampon èboekka’, èssèna pèssè dinar ra-kèra pa’ ratos mègghi’, pèsse potè sakantong (sakampeèl) sareng bhărăng emmas ènten. Răng- bharăng panèka ladjoe ètjatettè sadhăjă sareng Eduard.
Kaljatora Eduard sanatolla ka dhălemma towan Kobăsa, pas ngatorè pamyarsa parkara èugghănèka ḍări kabidhăn kantos dă' bekkasanna sarta mator patanja hal pèssè èngghărowa, èpassra’aghiă ka pasèra.
Towan Kobăsa aḍhăboe: ,Sengko’ ijè’ bhoengana ngèding kandhăna bă’na djrèja. Parkara pèssè djrèja dhina mè’ èsèmpen Humphrey bhāi; mon baḍă orèng mènta, ijă soro băghi, nangeng kèra sèngko’ doe sapa sè mènta’a. Kassa bă’na so djhoertolès èntar ka bengkona njatellè atorra Pablo so tan-trètan binè’na bhăb parkara sè èkampa’
