Mizo Chanchin
Hêng thu tlêm têah pawh hian Tibet aṭanga Lusei thleng pawhin ṭawng a inanzia kan hmu a ni. Hei mai pawh hian thlah khat kan nihzia chu a tilang hlê tawhin a lang a. Tin, tunah kan ṭawng kal dan a inanzia chu hetiang entir ila:-(T.C. Hodson's Monograph on Meiti)
| Tibet | Burma | Kachin | Meitei | |
|---|---|---|---|---|
| Pakhat | Ching | Tit | Ai | Ama |
| Pahnih | Nyi | Hnit | Ni | Anih |
| Pathum | Sum | Thon | Masum | Ahum |
| Pali | Shi | Le | Mali | Mari |
| Panga | Nga | Nga | Manga | Manga |
| Paruk | Dhuk | Chauk | Khru | Taruk |
| Pasarih | Dun | Kuanhit | Sinit | Taret |
| Pariat | Gya | Shit | Masat | Nipan |
| Pakua | Gu | Ko | Chakhu | Mapan |
| Sawm | Chu | Tahse | Si | Tara |
| 11 | Chuchig | Hse tit | Shilangai | Tra mothol |
| 12 | Chunyi | Hsehnit | Shilakhuang | Taranithoi |
| 13 | Chusum | Hsethon | Shimasum | Tara hum thoi |
| 14 | Chushi | Hsele | Shimali | Tara mari |
He tih hian Tibeto-Buman thlah kan ni hlawmzia chu a lang hlê mai. Kan kaing hnâia Tlang mi, Thahdo te, Hmar te, Paihtê te, Pawi te nen hi chuan kan inhnâi tih kan in hre sa vek. Kan ṭawng a danglam kan tihte pawh hi danglam tih tlâk pawh a la ni lo va, kawng tinrêngah kan la inang khat vek tih theih a ni. Kan hmêl te, kan ei zawn dân te, kan khawsak dân te, kan sihfen thu-ah te, kan sakhaw dânte pawh a inang khat deuh vek a, chuvangin hêng tlâng mite zawng zawng hi kan intih hranna a la rei lo vang. Pawi ram "Chin Hills," an tih pawh hi Burmese hovin "Mizo" an tihna bawk a ni, an ti.
