Page:Mga Binalaybay V.3.pdf/51

43 IKAP-AT NGA BAHIN SI LEONIDO KAG SI SATANAS

SATANAS. Hulat anay! Diin ka makadto?

LEONIDO. Sin-o ka?

SATANAS. Ngaa?

Wala nimo ako makilal-i?

LEONIDO. Wala ko madumdomi’ng guya mo,

Wala man nakon ikaw makita

Bisan kis-a lang. Paagiha ako!

SATANAS. Indi! Tuloka ako sing maayo. . ..

LEONIDO. Sugid, napangabay ko, sin-o ka. . . .

SATANAS. Ako yadto nga labi ka gamhanan,

Gahatag pagbulot-an sa unos, dagat,

kalayo;

Sing kasili sa linti sa baha kadagaasan;

Ako yadto’ng sa daku nga gahum

Hari sa panahon nga matahum

Nga ginhangad kag ginkahadlukan;

Isang’ Dios sang indyanhon nga

katawhan.

LEONIDO.Gabutig ka! Sa akon mga tigulang

Inang’ dios nagtulog na sa kalimot,

Kag mga binuang nilang’ lulodhan,

Diin sa mga pagdayaw nga makalilisang

Ginhalad ang linibo nga nalautan,

Sa karon ang tanan na nagkapugday.

Sa iya kagamhanan nga napapas,

Sang amon dila sa iya ginwaswas

Sa iya mga nalimtan nga hangkat kag

paghikay:

Indi ka dios; gabutig ka wala’y duhadoha,

Kay isa lang ang Dios nga galuntad

matuod:

Ang Diwa nga sang tawo kag sang duta

nagtukod,

Kag ang amon hugot nga pagtuo sa iya.

SATANAS. Dungol! sa mga gated, wala ka

mahangawa,

Sang akon gahum? Bata nga wala sing

pagsalig,

Di bala’ng hangin akon nga imo

ginaginhawa,