Page:Mga Binalaybay V.3.pdf/50

42 Bugalonl. . . Buhata’ng imo luyag;

Ako, bagay nga sa imo matublag;

Nga ikaw kaaway kong’ wala’y puot. Hanti, sugdan ta ang sumponganay...

Isipon ta anay ang pagbawi Sang dakharian kong’ wa’y kasari Sa kinaalam ukon sa lubhaay. Duta, kaibog sa akon mo natan-ay! Ayl. . . ikaw pagabawion nakon! Natago, diri ho hulaton (Manago sa puno sang isa ka kahoy.) Isang’ kristuhanong’ di gahalong Luyag ko sa akon kamot maluong

Kabikahan nga nadumtan nakon!

__________

IKATLO NGA GWA Magwa si Leonido.

LEONIDO.

Ang pangpang karon kapagkamingaw;

Indi na madunggan ang sininggit; Katanhaga: masanag na’ng langit Kag wala bisan sin-o diri. Dapat nga nakaabot na sila, Kay amo ang ila ginsiling. . . Sa banta ko sila naghalin. . . .

Sin-o’ng kasayod nga ako nawasi? Apang indi: ini amo’ng dalan

Nga sa poblasyon nagapadulong Ini amo’ng suba nga wa’y tupong Sang iya ilig nagapakita. . . . Yadto’ng simbahan... Ang akon balay... Hayahay. . . Akon na mapatihan! Amo ang duog nga halampangan

Nga ni Pascual sa akon ginbalita! Kutob diri anion hulaton

Nga mag-agi ang putli nga Birhen. . . Apang... sin-o sa akon masiling Nga bag-o lang sila maglakat? Maayong’ pangitaon ko sila: Di didto; sa ubos akon panaugan. .. Ginapatihan ko nga’ng guban

Indi madugay diri madangat.

(Buot na sia mahalin, kag mag-abot si Satanas nga nagapanapot sa pagkadiwanhon.)