—155—
XXIX
Ang Pagcamatay ni tiyó Andong
Lumigad ang malauig nga mga bulan sang pagto on ni Lucia sa Manila.
Umabut ang malauig nga mga adľao nga inogpahuay sang tagsa ca magtotoon cag si Lucia ualà didto pagsugata sang iya mga guinicanan cundi guinduao lang sang iya tiyà cag didto guinhambal nia nga indi sia pagpapauli on cay iga pagcoy nila sa iya ang tatlo ca tuig sang iya pagtu-on.
Nagpasugut si Lucia sa maayo nga caisipan nga guinapahayag sang iya mga guinicanan, guin antos nia ang malauig nga mga adlao nga pagpuyó nia didto. Guinabatas nia ang dacù nga cabidlao sa iya hinigugma nga manug 'alilà cag guinalingao nia ang camingao sang iya painoino tubtub nga madangat nia ang cabulahanan nga ila guinahandum.
Sugud sang mga adlao nga bumalag si Lucia sa panimalay ni tiyó Andong nagapanabag sa si capitan Sibio sa pagdu ao sa iya sini puluy an, sa pagtan ao com pa ano ang iya cahimtangan cag sa paghatag man sa iya sing baltà sang mga pagtu on ni Lucia
Isa ca adlao yarà si capitan Sibio sa balay niya sa hacienda Esmeralda, sa hinali lamang pumahayag sa ganghaan sang ma aluag nga lagauan nga iya guinadayunan ang isa nia ca sulugu-on nga sugud sang pagcuhà nila cay Lucia guinpadala nia sa pagtimbang sang mga boluhaton ni tiyó Andong.
Tumindog ang amó nga sulugu on sa gangha an cag maghatag sing catahuran cay capitan Sibio.
