—154—
matahum ta nga pulò nga acon lamang tinalicdan
Ualà na aco sing iban tatay nga guinapangayo sa imo, cundi nga sa tagsa ca bulan padalhan quo aco sing sulat bisan macaisa la mang agud con macabasa aco sang maloló mo nga mga tugon nga nahamtang sa iya magabatyag sing dacù nga calipay ang acon taguiposoon cag macapahaganhagan sang acon cahidlao sa imo.
Ualà na aco sing iban nga tugon cundi pa numdumon mo lang aco guihapon cag batuna ang maloló nga hacus nga guinapadala co sa imo, cag isa sa paghaluc sa camut ni uyang Fina.
Ang imo anac nga nagahigugma sa imo, cag nagahaluc sa imo camut.
- Lucia>>
Sang ubus na mabasa ni tiyó Andong ang sulat ni Lucia nga bag-o 'nia nabaton, bumatyag sing dacù nga calipay ang iya taguiposoon cag sa ualay dulug, tinacpan nia ang ganghaan sang iya pamandayan cag sumacà sa ibabao.
Dinalá nia cag basahon yadtong maloló nga mga tugon ni Lucia sa luyó sang tigulang nga si Rufina, nga sang ubus nia masayuran ang tanan nga nahamtang didto, bumatyag man sing calipay ang iya painoino.
Sa tagsa ca bulan nagabaton si tiyó Andong sang sulat ni Lucia, cag sia nagabalus man sa pagpadala,
Sa iya sulat guinapahamtang nia ang tag. sa ca balità nga mahanabù sa iya pangabuhi cag ang tanan man nga mahanabù sa ila puló
- Luoa 3
