— 126 —
Dinahò ni Lucia yadtong violin nga guinatunghul sa iya, cag binagay nia sa isa ca ma- tam-is nga tingug.
Natunung ang hinambal sang tanan nga nasacpan sa Convento, cay nagahulat nga mamati sa iya.
Yadtong matahuni nga violin pinatunug ni Lucia sa isa ca matam is cag mamingao nga tingug, nga ang tagsa ca nahasacpan bu matiag sing dacu nga cauili sa pagpamati, cag sa cay capitan Sibio, dumulut ang isa ca camingao sa iya mab natiagon nga taguiposoon.
Nadumduman nia ang iya camangburan nga anac nga bumulag sa iya sadtong una nga mga adlao, cag sa tungà sang madamu nga tumalambong, guinapungan nia nga dili macatulò ang iya luhà.
Sang pagcatapus sang matahum nga paningug nga guinpatunug ni Lucia sa violin, namalacpac ang tanan nga nagatambong sang ila mga camut sa pagpahayag sang bug-os nila nga pagdayao, cag ang violin inulinia sa Pari.
Tumindug si Lucia sa iya guinalingcuran cag sumaylo sa una nia nga nahamtangan, sa pagpaquighambal sa iban nia nga mga caangay. Sa dacù tga cabalaca sadtong tigulang nga caatubang sang Pari, si Lucia lamang ang ila guinhambalan sa sulud sadtong masadia nga tion
— Pari Mateo, sino ang tagbatà sini cay Lucia? nangutana ang isa ca tigulan sa luyó Di capitan Sibio.
— Batà inà sia sang isa ca manughimò guitarra nga guinahingalanan cay Andong, sa pulò nga Ilang ilang.
