(— 125 —)
—Sa nabatian co lamang, sia ang nahanna sa tanan.
—¿Ngaa nga nacaquilala ca man sina?
—Diutay pa inà cag maquilala co cay diri na. gata on sa banua, cag con ca-isa guinapabagay co sang violin diri sa convento. Hulat camo anay cay mangità pa aco violia, pamatii balá ninio cay pabagayon co
Tumindug ang Pari cag sumulud sa isa ca hulut sang Convento, cag sang iya pagguà naga. dalá na sia sang isa ca violin nga bag o; quinuhà nia ang isa calincuran cag ipahamtang sa iya luyó, cag sang pagcatapus, lumingcud sia cag bumaliquid cay Lucia.
—Lucia — ang pulong nia,— lacat diri anay. Tumindug si Lucia sa iya guinalingcuran cag pumalapit sa Pari.
—Anano Padre ang tauag mo sa acon?
—Lingcud anay dri, cay may igasugò aco sa imo. Tinudlò nia si Lucia sa isa ca lingcurang nga nahamtang sa iya luyó cag yadto lumingcud nga nagayuhumyuhum. — Ang acon mga abian nagapangabay sa acon nga pabation mo sila sang matam is mo nga pagpatunug sang violin. Yari ang maayo cay bag o lang aco nacabacal, cag ini, guinatigana co sa imo.
―tinudlò nia cay Lucia ang violin nga iya guina uyatan.
Ugaling indi guid man aco sampaton mag patunug sinà nga balagayon—sumabat si Lucia nga tumuloc sa iban nga caatubang sang Pari cag magculocadlao.
—Indi ca na magpamalibad,—ang pulong sang Pari nga nagatunghol sa iya sang violin dau a, cag bagaya anay cay mamatì cami.
