This page has not been proofread.
58
Kan io si Ambun Suri buliah anak laki laki sanang hati Rambun Sati buliah pangganti badan diri.
Kan io si Gombang Alam radjo Nagari Tjamin Talajang io katiko nan baiak io hari nan elok baranak pulo Puti Nilam Tjajo anak sarupo anak balam saikita batino saikua djantan anak nan rantjak kaduonjo manurun rupo bapak djo mande satu ado satu banamo nan laki laki banamo Sari Alam padusi banamo Sari Bulan.
Balai kapa dari Sumarang
Banjak mambao suto suto
Balabuah tantang Painan
Baitu kaba kato urang
Duto urang hambo indak sato
Bohong urang hambo tak sinan
Kalau ado sumua diladang
Buliah djuo manompang mandi
Kalau ado umua pandjang
Nan lain pulo diulang lai
