[LU:]
dóib, rond argit eter cach dá en, cach fiche inna lurg fo leith, nói luirg dóib. Samlaid dá en bátar rempu, cuing airgit etarru. Toscartha tri eúin dib co haidchi, lotir[1] remib hi cend in brogo. Is and ba hadaig for feraib Ulad. Feraid snechta mór foroib dno. Asbert Conchobar fria muintir, ara scortís a cairptiu ocus ara cuirtis cor do chuingid tige dóib.
3. Luid Conall ocus Bricriu du chur cúarta, fo fúaratár óen tech nue. Lotar ind. Foráncatár lánamain and. Boithus failte. Lotar ass co a muintir. Asbert Bricriu, ní bú fíu dóib techt don tig cen brat cen bíad. Bá cumung dana cid ar indus. Lotar dó cammaib (i. doridisi). Tubertatár a cairptiu leu. Ní gabsat nammár isin tig, co n‑accatar talmi* (i. iarsin) du dorus culi friu. In tan bá mithig tabairt biid
[Eg:]
Noi fichit en allion, ocus ronn findruine itir gach da en dib. Cach fiche da en illdathacha remib, ocus runn dergoir itir suidiu. Doscartad tri heoin dib co haidqi. Lotar reimib iarum bi gcenn in brogo. Ba hadhaig[2] doib fo soduin. „Sguirid tra,“ ol Conchobar, „ocus cuirid cuairt dun dus hi fogbar tech dun innac baile“.
3. Luid Conull Cernach ocus Briccriu do soduin. Fogabar oen tech nuad, ocus lanamuin ann. Boithius failti mor le. Dotiagat for culu go a muinntir ocus asfiadat[3] doib a n‑imtecto, ocus ispert Briccri, ni ba fiu tect don taig, biaid cumung, ocus he gin brat, gin biad. Lotar ass iarum don taig allin uili, ocus ni gabsat nammor[4] don tig cona cairptib ocus ann echaib ocus a n‑armaib[5], ocus dusn‑ainicc gach maith issin tig etir biad ocus cuimtig ocus eccuimdig, etir gnath ocus ingnatb, conna bui adhaig[6] bud ferr doib. Conn-faccatar ni; in n‑oglach rochain inn dorus na cuiled. Ocus aspert friu: „In tan bus mithig lib for gcuit?“ ol se. „Mithig linn o chianuib“
