Compert Conculaind inso sís a Libur Dromma Snechta.
[LU:]
1. Láa n‑áen ro bátár mathi Ulad im Chonchobur i n‑Emain Macha, no thathigtís énlaith mág ar Emuin. Na gelltís, conna facabtais cid mecnu na fér ná lossa hi talam. Ba tochomracht la hUltu anaicsiu oc collud a n‑hírend. Imlaat nói cairptiu dia tofund laa n‑and, ar bá bés léu‑som forim én. Conchobar dana hi sudiu inna charput ocus a fiur Deichtire[1], ossí maccdacht. Issi ba hara dia brathair. Errid Ulad ar chenæ[2] inna carptib, i. Conall ocus Loegaire ocus cach olchena. Bricriu dana leu.
2. Fus rumat an éin remib díandaim tar Sliab Fuait, tar Edmuind[3], tar Brega. Ní bíd clad na hairbi na caissle im thír i n‑hÉre isind amsir anall, co tanic rémis mac n‑Aeda Slani, acht maigi réidi; ar imad na treb dana inna remis sem, iss aire conopartatar cócricha i n‑hÉre. Ba hálaind tra ocus ba cáin in t‑énlorg ocus in t‑énamar bói leu. Nói fichit én
[Eg:]
Cuimpirt Conculainn innso.
1. Bui Conchopur ocus maithe Ulud[4] immi ind Emuin Macha fect n‑oen ann. Taithigtis enlaith mag ar Emuin, no geltis, cona facbatis cid luisni hi talmuin ann. Ba saeth la hUlltaib inni sin. Innlig (sic) noi cairptiu do dul dia toffunn, ar ba bés leo-sum dogress foram for enlaith. Conchobar ann cetamus ina charput ocus Dectiri a siur ar a belaib do raith, ossi macdacht, ocus eirrith Ulad olcheno ina gcairptib, i. Conall Cernuch ocus Fergus mac Roich, ocus Laeguiri buadach ocus Celtchair[5] mac Uithechuir. Briccri ann dana leo amuil gach n‑anrad.
2. Tiaguit inn eoin remib iarum tar Sliab Fuait, tar Muirtemniu, dar Edmann, dar Breg mag (sic). Ba haluinn iarum in t‑enlorg ocus in t‑enamar cachnaitir for alluamuin*.
