14 Kanan mu ing keka, at mako ka; aku buri keng dinan iting tauli anti morin keka.
15 ¿E dapat ing daptan ku ing buri ku king kanaku? ¿o marawak ya ing mata ma, uling aku mayap ku?
18 Inya ding mumuna mitauli la, at ding tauli muna la.
Ing aduan na ning indu ra ding anak nang Zebedeo.
17 At inyang mukiat ya i Jesús Jerusalem, inaus nong makabukud king dalan ding labing aduang alagad, at sinabi na karela:
18 Oini mumukiat ta na Jerusalem, at ing Anak ning tau manabu ya karing pun ding sacerdotes, ampon escribas; at deti atulan de king kamatayan,
19 at ibye re karing gentil, bareng palumuran, at palukan, ampon ipaku king cruz: dapot king katlung aldo subli yang mie.
20 Kanita linapit ya kea ing indu ra ding anak nang Zebedeo, abe no ding anak na, babye ra kea ing kagalangan, at aduan da kea ing metung a bague.
21 At ya sinabi na kea: Nanung buri mu? Ya sinabi na kea: Iyutus mu king dating adwa kung anak lukluk la, ing metung king wanan mu, at ing metung king kaili mu, king kaarian ina.
22 Dapot i Jesús mekibat ya kanita ngana karela: E yu balu ing adwan yu. ¿Makainum ko king kopang pinuman ku?; Sinabi ra kea: Wa; arapat mi.
23 At ya sinabi na karela: Minum kong tutu king kopa ku; dapot ing lukluk ko king wanan ku at king kaili, aliwa akung makaibye; mung a karetang sidya nang Ibpa kn.
24 At inyang damdaman da ding apulu iti, mikasbu la karing adwang mikapatad.
25 I Jesús pin inaus no kanita, sinabi na: Balu yu king ding pun da ding dai ilang guiguinuan da deti at ding mang- aragul ilang makikayupayan a sasakup karela.
26 Dapot kekayu e mipakanyan, inya ing bisang maragul kekayu, yang maguing ipus yu;
27 at ing bisang mumuna kakaya, yang maguing alipan yu:
28 makanyan mu naman ing Anak ning tau e mine keting suyuan da, nung e sumuyu, at bang ibye na ing bie na king pamanatbus karing dakal.
