|
nila si lose sa mğa Ismaelinhon sa duha ka púlô ka panid nga kuarta. Kag gindalá nila si lose sa Egipto. 29 Kag sang pagbalik ni Ruben sa bobon, yari karon, wala na si Iose sa bobon; kag ginisi niya ang iya mğa panapton. 30 Kag sang bimalik sia sa iya mğa útud, nagsiling sia sa ila: "Ang pamatan-on wala na! Kag ako, ¿sa diin bala ako makadto?" 31 Niyan kinuha nila ang bayô nga malaba ni Iose; kag sang pinugutan nila ang isa ka kanding nga lalaki, tinum-oy nila sa dugo ang bayô. 32 Kag ginpadalá nila ang bayô nga madamung duag, kag ginpalambut nila ini sa ila amay, nga nagasiling: "Ini amon sia nakita. Kilalaha karon kon amo ini ang bayô sang imo anak, kon indi." 33 Kag nakilala niya sia, kag nagsiling sia: "Amo ang bayô sang akon anak; isa ka sapat nga mapintas nagtukub sa iya; sa wala sing duhaduha ginhalunhon si Iose." 34 Niyan ginisi ni Iakob ang iya mga panapton, kag nagsuklob sia sing panapton sa lalaw, kag naglalaw sia bangud sang iya anak sa malawig nga mga adlaw. 35 Kag nagtilindug ang tanan niya nga mga anak nga alaki kag ang tanan niya nga mga anak nga babae sa paglipay sa iya; apang sia nagdumili nga paglipayon, nga nagasiling : Indi. Kay magapanaug ako sa akon anak, nga may lalaw, tubtub sa lulubngan." Kag naghibi ang iya amay tungud sa iya. 36 Kag ginbaligya sia sang mga Madianinhon sa Egipto kay Potipar, salaligan ni Paraon, pangolo sang mga manugbantay.
2 Kag nakita didto ni Iuda ang anak nga babae sang isa ka tawo nga Kanaanhon, nga ginahinğalanan nga si Sua, kag ginkuha niya sia kag nagsulúd sa iya. 3 Kag nanamkon sia, kag nag-anak |
sia sing isa ka anak nga lalaki, kag ginhingalanan niya sia nga si Er.
4 Kag nagpanamkon sia liwan kag nag-anak sia sing isa ka anak nga lalaki, kag ginhingalanan niya sia nga si Onan. 5 Kag nagpanamkon pa sia liwan, kag nag-anak sia sing isa ka anak nga lalaki, kag ginhingalanan niya sia nga si Sela. Kag didto sia sa Kesib, sang pag-anak niya sini. 6 Kag ginpaasawa ni Iuda kay Er, nga iya panganay, ang isa ka babae nga ginhingalanan sia nga si Tamar. 7 Kag si Er, ang panganay ni Iuda, nanginmalain sa mga mata ni Iehoba, kag ginkuhaan sia ni lehoba sang kabuhi. 8 Niyan si Iuda nagsiling kay Onan: "Sulúd-ka sa asawa sang imo útud, kag himoa sa iya ang katungdanan sang útud sang bana, kag bangon-ka sing kaliwatan sa imo útud." 9 Kag sang nahibaloan ni Onan, nga ang kaliwatan indi mangin-iya, nagakahanabu nga, kon magsulúd sia sa asawa sang iya útud, ginapaawas niya sa duta, sa indi paghatag sing kaliwatan sa iya útud. 10 Kag nanginmalain sa mga mata ni Iehoba ang ginhimo niya, kag ginkuhaan man niya sia sang kabuhi. 11 Kag si Iuda nagsiling kay Tamar nga iya umagad: "Magpuyô-ka nga bálo sa balay sang imo amay, tubtub nga magdaku si Sela, nga akon anak." Kay nagsiling sia: "Nga ayhan indi man sia mamatay subung sang iya mga útud." Kag naglakat si Tamar, kag nagpuyo sa balay sang iya amay. 12 Kag nagliligad ang malawig nga mğa adlaw, kag namatay si Sua, nga asawa ni Iuda; kag sang si Iuda nagkalipay, nagtaklad sia sa mga manugalut sang iya mğa obeha sa Timnat, sia kag ang iya abyan nga si Hira, ang Adulaminhon. 13 Kag ginpahibalo ini kay Tamar, nga nagasiling: "Yari karon ang imo guangan nagataklad sa Timnat sa pagalut sang mga obeha." 14 Niyan ginkuha niya sa ibabaw niya ang mga panapton sa iya pagkabálo, kag nagpanabon sia sing isa ka takurung kag pinutus sia, kag.nagtindug sia sa gawang sang Enaim, nga yara sa luyo sang dalan sa Timnat; kay ginatan-aw niya nga nagadaku na |
50
