|
31 Kag si lakob nagsabat: "Ibaligya sa akon ang imo pagkapanganay sa sining adlaw." 32 Niyan nagsiling si Esau: "Yari karon, nga ako mamatay na; busa, ¿ano pa ang kinahanglan ko bala sang pagkapanganay?" 33 Kag nagsiling si Iakob: "Isumpa ini sa akon sa sining adlaw." Kag sia nagsumpa sa iya, kag ginbaligya niya kay Iakob ang iya pagkapanganay. 34 Niyan ginhatagan ni Iakob si Esau sing tinapay kag sang linuto sang mga patani; kag sia nagkaon, kag naginum, kag nagtindug kag naglakat sia. Sa sini gintamay ni Esau ang pagkapanganay.
2 Kag nagpahayag sa iya si Iehoba kag nagsiling sa iya: "Ayaw ka pagdulhog sa Egipto; magpuyo-ka sa cuta nga pagaisiling ko sa imo. 3 Panlugayaw-ka sa sini nga duta, kag magaúpud ako sa imo, kag pagapakamaayoon ko ikaw; kay sa imo kag sa imo kaliwatan pagaihatag ko ining tanan nga mga duta, kag pagapamatud-an ko ang panumpa nga ginsumpa ko kay Abraham nga imo amay. 4 Kag pagapadamuon ko ang imo kaliwatan subung sang kabitoonan sang langit, kag pagaihatag ko sa imo kaliwatan ining tanan nga mga duta, kag ang tanan nga mga katawohan sa duta pagapakamaayoon sa imo kaliwatan, 5 Tungud kay ginpamatian ni Abraham ang akon tingug, kag ginbantayan niya ang akon tinulin, ang akon mga sogo, ang akon mga palatukuran kag ang akon mga kasogoan." 6 Busa, nagpuyo si Isaak sa Gerar. 7 Kag ang mga tawo sa sadto nga duug nagpalamangkot sa iya nahanungud sa iya asawa; kag sia nagsabat: "Utud ko sia." Kay ginhadlukan sia sa pagsiling: "Akon sia asawa;" nga ayhan," nagsiling sia, "ang mga tawo sang duug magapatay sa akon bangud kay Rebeka, kav sia magayon sa bayhon." |
8 Kag nahanabu, sang lumigad na
ang malawig nga mga adlaw, nga didto sia, nga si Abimelek, nga hari sang mga Pilistinhon, sang nagalantaw sia sa isa ka talamboan, nakita niya si Isaak, nga nagakadlaw upud ni Rebeka nga iya asawa. 9 Kag gintawag ni Abimelek si Isaak, kag nagsiling: "Yari karon sia, sa pagkamatuud, imo sia nga asawa. Busa, ¿paano bala nga nagsiling ka: Utud ko sia?" Kag si Isaak nagsabat sa iya: Kay nagsiling ako: Ayhan mamatay ako bangud sa iya." 10 Kag si Abimelek nagsiling: "¿Kay ngaa bala ginhimoan mo kami sini? Diyotay lamang makatolog kunta ang isa sa banwa upud sa imo asawa, kag gindalá mo diri sa ibabaw namon ang salà." 11 Niyan si Abimelek nagsogo sa bug-os nga banwa, nga nagasiling: "Ang magtandug sa sini nga tawo, kon sa iya asawa, sa pagkamatuud, mamatay sia." 12 Kag nagsab-ug si Isaak sa sadto nga duta, kag nagpatubas sa sini nga tuig sing isa ka gatus sa isa; kag ginpakamaayo sia ni Iehoba. 13 Kag ang lalaki nagdaku kag nagpadayon sa pagdaku tubtub nga nahime nga gamhanan gid. 14 Kag nagtagiya sia sing mga obeha, kag nagtagiya sia sing nga kabakahan, kag daku nga panimaláy. Kag nagkalahisa sa iya ang mga Pilistinhon. 15 Kag ang tanan nga mga bobon, nga ginpangutkut sang mga umalagad sang iya amay, ginpanampukan sila sang mga Pilistinhon, nga ginpamunô nila sila sing duta. 16 Niyan nagsiling si Abimelek kay Isaak: "Palayô-ka sa amon, kay ikaw labi pa ka gamhanan sa amon." 17 Kag si Isaak naghalín didto, kag pinahamtang niya ang iya dulugan sa nalupyakan sang Gerar, kag nagpuyo sia didto. 18 Kag ginkutkut liwat ni Isaak ang mga bobon sang tubig, nga ginkutkut sa mga kaadlawan ni Abraham nga iya amay; kay ang mga Pilistinhon nagtampok sa ila sa tapus sang kamataon ni Abraham. Kag ginhingalanan niya sila, sono sang mga ngalan nga ginbutang sa ila sang iya Amay. 19 Kag ang mga alagad ni Isaak nag- |
31
