This page has been proofread.
Pagkalaay! ¡Pagkamingaw! ¡Pagkasubu magapalandong, magasud-on ako sa akong kahimtang karon halayo kanimo! ¡Pagkaguol nga hunahunaon! Daw kining kinabuhi mobulag na sa lawas.
Halayo kanimo, ¡o wala akoy kalipay! Walay kasaya kining kinabuhi. Ang kalibutan daw ingno ug nangiub. Ang kalawangan daw natitian sa hangin.. Kanunay lamang akong magamasulob-on, daw nailo sa mga parayeg ug sa mga pag-ugoy-ugoy sa Hinigugma; nagapatulo sa daghang luha ning mga mata, sa tanang adlaw, sa tanang gabii, sa tanang takna... ¡Daw nahisama ako sa usa ka
