This page has been validated.
Ais stret utuon? am dumandaiva,
In vzand ils gnieus abbandunos;
Il pover passler chi svolaiva,
Ün past tscherchand per sieus amos.
Ais stret utuon? am dumandaiva,
Flurinas mortas our dad our,
Il mantel grisch chi tuot serraiva,
Ledusamaing serraiv' il cour.
Ais stret utuon? am dumandaiva,
Udind il vent nel god tschüvler;
Il led ch'intuorn as derasaiva,
L'utuon paraiva annunzier.
E la tristezza chi regnaiva,
Sün la natüra our dad our,
Addolorand, addoloraiva
E s'insinuaiva aint nel cour.
8 Gün 1881.
