Page:Fluors alpinas.djvu/127

Sulet el vain, nun porta arm' üngüna.
— Bun di, cher Adam, brav est tü, punctuel!
Bun di, bainvgnida, chera, dutsch' Adina;
In mieu chastè t'aspetta past festel;
Dis da leidezza, avegnir serain; .....
Ed uoss' ün bütsch, ma chera, sco convain.

El brauncl' Adina e cun bram' arsainta,
Lusuriusa tschercha la bütscher;
Ma d'ün curtè la lama zuond tagliainta
Aint nel cour nair savet bain as ficher:
— Co hest il bütsch cha merito hest tü!
Ün bütsch arsaint cha tü nun suorgnast pü! —

Sco pin chi crouda tres orizzi, crouda
Il ferm chastlaun sün terra ais spiro!
Il sun del corn dandettamaing ün oda
E spert armeda d'contadins ais co;
Cun Adam vaun, assaglian il chastè
E liberos sun dal tiraun usche.

E co comperan bgers munieus d'fuschella
E fö vain miss al gnieu del vegl dragun;
Rimbomban munts da liberted e bella
Da liberted resuna la chanzun:
Evviva Adam, chi ho libero
Da tirannia nos pajos prüvo!