— Ma ella, forsa tres plaschair surpraisa,
Nun ho chatto ün pled per ingrazcher;
O quaista chera ais usche cortaisa,
Cha eau cortais la vögl gugent tratter;
Dimena, bap, dalun vus comandé,
Cha ell' am seguitescha sül chasté!
Da sdegn s'inflamm' il sguard del bap e l'ira
Palais' as fo in ogni movimaint;
El nun flippescha; aint in cour el güra
Del nosch chastlaun la mort; observ' intaunt
Tuot ümilmaing al mess del grand Signur:
— Eau sun fich lusingio d'la grand' onur,
— Ch'ais reserveda hoz a ma famiglia
Ed as preschaint ingrazchamaint sincer;
Dsché al Signur, — ch'eau condüro la figlia
Sün sieu chaste; ad el la vögl surder!
Adina pina't! ..... in ün' ur' al pü,
Podais quinter cha nus sarons lossü. —
IV.
La mort.
— O di'm cher bap, perche voust tü cha vegna
Sün Guardaval con te tar il Signur?
Per üna giuvna nun ais chosa degna
