— Napulog lima ka adlaw nga wala motungha sa iyang kaugalingong kabubot-on; usa na lamay kulang aron ang imong ngalan mapapas.
— Napulog lima, napulog lima?, nagkanayon si Placido nga nalibug ang ulo; kaupat da ako nga wala makatungha, pari, ug kon ilakip karon, lima . . .
— Husito, husito, husito, senolia, mitubag ang magtutoon nga mitutok pag-ayo sa tinon-an sa ibabaw sa iyang anteohos nga bulawan. Miangkon ka nga wala ka makatunghag kalima, ug si Bathala da ang nahibalo kon mao ra ba kana. Atqui, sanglit dili man kanunay nga mobasa ako sa lista, ug sa matag pagbasa ko kon duna akoy hisakpan, butangan ko man ug lima ka laray, ergo, P’la may kma ka taglima? ako sa nalimut ka na sa tabla sa pagpilo-pilo . . . Lima ka taglima?
— Kaluhaag lima . . .
— Husito, husito ... Sa ingon niini, nakaganansiya ka pag napulo, kay katulo ka ra man nako hisakpi. Uy, kon hisakpan ko pa ikaw kanunay . . . Ug pila may tulo ka tagilma?
— Napulog lima . . .
— Napulog lima, pareho kamaron kon kangreho, gihipus sa magtutoon ang lista; kon masayop kag usa, sulong! apuera de la juerta! Aha, ug karon usa ka badlis tungod sa wala pagkahibalo sa leksiyon.
Gibalik pag-ukab ang lista, gipangita ang ngalan ug gibutangag badlis.
— Na, usa ka badlis, kay wala ka man pay lain . . .
— Apan, pari, misulti si Placido nga nagpugong sa iyang kaugalingon; kon ang imong kamahalan mobutag badlis mahitungod sa leksiyon, ang imong kamahalan kinahanglan mopapas sa badlis sa wala pagtungha ning adlawa.
Ang iyang kamahalan wala motubag; gibutang una ang bad lis, gitan-aw ug gisid-ing pag-ayo — ang badlis kinahanglan anindotan — gipilo ang lista ug unya sa makantalitahon nga paningog nangotana:
— Aba, ngano man Nol?
— Kay dili masabut, pari, nga usa ka tawo dili motungha sa klasi ug unya dili maantigo sa leksiyon nianang aklawa. Ang imong kamahalan nag-ingon nga ang pagpahimutang ug dili pagpahimutang ...
