- 137
— Kon maoy pulong sa basahon, pari. . .
— Ang tingga puthaw ba?
— Tingali, pari . . . maoy sulti sa basahon . . .
Tinuod, tinuod, ug ang pulong nga.tinunaw sa ato pa sinaktan sa asugi, nga maoy usa ka kalainan sa puthaw. Ergo, ang usa ka samin nga bildo maoy usa ka samin nga puthaw, kun metal; ergo ang pagbahinbahin nagkalamukat; ergo ang pagbahin sayop, ergo . . . Unsaon man nimo paghatag katin-awan niini, esperitung mananahi?
Ug gipahimutang pag-ayo ang mga ergo ug ang mga tu sa taliwala sa hilabihang pagpalami, samtang nangihat ang iyang mata, sama sa nag-ingon nga: maayo ka na gayud nga pagkaluto!
— Sa ato pa . . . sa ato pa . . . nagkanayon si Placido.
— Sa ato pa, wala ikaw makasabut sa leksiyon, manunodlong inot nga bisan wala makasabut manudlo na hinoon sa uban! Ang klasi wala mahinaway sa buhat sa magtutoon; hinonoa, daghan ang nahimuot ug nangatawa. Apan si Placido namahit sa iyang ngabil.
— Kinsay ngalan mo? nangotana ang magtutoon.
— Placido, — mitubag kini nga naglagut.
—Aha, Placido Penitente, apan maayo nga nganlan kag Pla cido Soplon kun Soplodo. Ako ikaw nga pahamtangan ug silot tungod sa imong pagpanudlo.
Ug malipayon niadtong pagbagaybagay niya sa mga pulong, gisugo si Placido sa paghatag Sa leksiyon. Ang batan-on, tungod sa bag-ong nahitabo kaniya ug sa kantalita sa iyang magtutoon, nasayop katulo. Tungod niini, ang magtutoon nagyangoyango sa iyang ulo, gibasa ang lista sa mga tinon-an ug gihinay pagbasa ang mga ngalan.
— Palencia . . . Palomo . . . Panganiban . . . Pedraza . . . — Palencia . . . Palomo . . . Panganiban . . . Pedraza . . .
Pelado . . . Pelaez . . . Penitente, Placido, napulog Ema ka adlaw nga wala motungha sa iyang kaugalingong kabubot-on.
Si Placido mibarog . . .
— Napulog lima, pari . . .
