Dagiti babbaro ken babbalasang nagsisipatda. Ni Maria Clara inna inanggo: ti arpa iso ti adadda a pagtuktukaran da sadiay a probinsia ket iso ti mainumo kadagidi a kanito.
—!Kansiunem, Victoria, ti “Daniw ti Agasawa”! —dinawat dagiti inna.
Dagiti lallaki nagririda, ket ni Victoria, a timekna ti nasayaat, nagpambar nga adda parawna. Ti “Daniw ti Agasawa”, maysa a nasam-it a daniw ti tagalog a pakaibuksilan anim dagiti tutuok ken ladladingit ti agasawa, nga awan ket inna ibaga kadagiti ragragsakna.
- Idi ta kasta, dinawatda nga agkanta ni Maria Clara.
- —Naladingit anim a kansionko.
- —!Awan ania man, awan ania man! —kinunada amin.
- Saan a pinauy-uyutan, innalana ti arpa, nagpasakalie
- ket nagdaniw a timekna ti natbag, naimas ken napnuan iti liday.
- Nasam-it ti kanito iti daga a kabukbukudan, iti sidong
- na amin a raniagan ti init, pagayam,
- !Biag ti pul-oy nga aglasat kadagiti kataltalunan,
- Naimas-it ni patay ket ni Ayat, natartarnaw!
- Nasged nga agek kadagiti bibbibig ti agay-ayam,
- No inka makariing iti saklot ni ina a namasngay,
- Dagiti taktakiag sapulenda ti tengnged a pagbitinan
- Ket dagiti matmata umisemda, no inda mingmingan.
- Nasam-it ni patay gapo iti daga a kabukbukudan,
- Iti sidongna, amin a raniagan ti init, pagayam:
- !Patay ti pul-oy piman kadagiti awanan
- Ina, ay-ayaten ken daga a nakayanakan!
Nagpukaw ti timek, nagsardeng ti daniw, nagulimek ti arpa, ngem si-aallingagda pay laeng: awan nagsipat. Dagiti babbalasang nariknada a nalapunos dagiti matmatada iti lua. Ni Ibarra kas la di makaidna ket daydi bumaro a mangyurit kumitkita a
di ket nagkismay iti adayo.
