wenno pagbantayan. Kaano man saanna nga inpagarop a kasdi
ti kawatiwat daydi a dalan.
Iti igid ti dalan, adda narukbos a kinawayanan a ti linongna inna nagin-inanaan no lumabas idi kua. Sadiay- idi ti pakisarsaritaan kcnkuana iti nakasamsam-it daydi mangas-asawa kenkua na; iso a mangtultulong kenkuana a mangawit kadagiti nailaga a bungbunga ken natnateng; lay! daydi, limmabas a kas la tagainep; daydi agara-rcm kenkuana nagbalin nga asawana, ket daydi asawana inkabilda a kabesa de baranggay, ket iso di nangrugi nga immapayen kadakuada ni dakes a gasat.
Agsipod ta ti init mangrugi a pumuduten, sinaludsod dagiti sosoldado no kayatna ti uminana.
!Yaman pay! —insungbatna a sikikigtot.
Ngem ti nakariknaanna iti pudno a kigtot, iso idi umasidegdan iti ili. ISililiday, a kimmita iti lawlawna: nalawa a pinagayan, maysa a bassit a kali ti pasay-ak, kaykayo nga agpapatay; jawan man la ti uray no maysa a derraas, wenno uray la no maysa a kadilian a pangisangduan iti bagi! Nagbabawi a kimmuyog ka dagiti sosoldado inggana sadiay; nalagipna ti adalem a karayan nga agayos iti sibay ti abongna, a dagiti nangato a tepteppangna nga aduan kadagiti natirad a batbato, !inda kuma inggayatan iti nakasamsam-it a ipapatay. Ngem ti pannakalagipna kadagiti annakna, ken anakna a Crispin, a ti gasatna dina pay ammo, iso ti nanilaw kenkuana iti daydi a rabii, ket nakunana iti naanos a panagitured.
—!Kalpasanna . . . kalpasan toy, inkamto agyanen iti tengnga ti kabakiran!
Pinunasanna dagiti matmatana, inkagumaanna a pinagtalna ti riknana, ket kinunana a siinayad kadagidi nanguyog ken kuana:
—!Addatay iti ilin!
Ti ayogna saan a mayebkas; maysa nga unnoy, maysa a pammabasol, maysa nga asug: maysa daydi a kararag, iso daydi ni tuok a nagbalin nga aweng.
Dagiti sosoldado, a sineknan ti asi, sinungbatanda iti maysa a garaw. Ni Sisa kinartinganna ti immuna ket inkagumaanna a pinagtalna ti gunayna.
Iti daydi a kanito nangrugi a naguni dagiti kamkampana ta
