—!Paunaendak kad, ngarod, iti uray bassit laeng a! —inyasug na idi mariknana nga iggamanda ket idurunda a sigugubal.
Dagidi dua a sosoldado simnek ti asi da, ket nagsaritada a dua iti nainayad.
—!Ala wen! —kinuna daydi maysa;—gapo ta manipod ditoy inggana iti ditay sumbrek iti ili, mabalinmo ti tumaray, pagtengngaandakanto. !Inton addatayon iti ili, mabalinmunto ti umuna iti maysa a dua pulo a ka-aksaw, ngem jagannadka! saanka a sumsumbrek iti uray adinno a tianggi, ket dika met agsarsardeng! Sulong ket kartingam!
Nagbanbannog la nga immas-asog, nagbanbannog la a nakikakaasi, awan nagpapaayan dagiti karkarina. Dagiti sosoldado kunada a maisarsarakda unayen ket napalalo ti intedda kenkuanan.
Idi makitana nga adda iti nagbaetan dagiti dua a sosoldado, nariknana a kas la matayen iti bain, Agpayso nga awan tao iti dalan, ngem ti angin ngay, ken ti lawag ti aldaw? Ti pudpudno a bain adda la makitana a mata iti amin a di mangan-ano. Inabbunganna ti rupana iti paniona, ket nagna a dina kitaen ti pagnaanna ket siuulimek a nangsangit iti inna pannakaidadanes. Ammuna ti kinakakaasina, ammuna nga awan ti di nangbaybay-a kenkuana, pati pay ni asawana, ngem inggana idi, nagtalinaed a sitatakneng ken maay-ayat: inggana idi, inna kinita a si-aasi dagiti babbai, a kasta unay nagalas ti aruatda, a ti ili inna panpanaganan iti kamalala dagiti sosoldado. Ita, kas la nababbaba payen ngem dagidi a babbai iti maysa a pangal iti agdan ti biag.
Addada nangngeg a paddapaddak ti kabayo: isuda dagiti agipan iti ikan kadagiti il-ili iti uneg. Nagunglugungluda nga agbaniaga dagiti lallaki ken babbai, a nakasakay kadagiti nakuttong a kabkabayo a napasangaan ket adda awitda a dua a kurkuribot, maysa iti sagtunggal bangir. Ado kadakuada, no daytay lumabasda iti sango ti abongna dagiti dumawat iti danom a inumen ken mangted iti sumagmamano nga ik-ikan kenkuana. Ita, ta malabasanda, kas la itay inda dalapusen ken baddebaddeken, ket ti ikikitada, a si-aasi wenno silalais, sarutenna man ti paniona ket punasenna man ti rupana.
!Di kuan, nakaadayo dagiti agbanbaniaga, ket ni Sisa immanges. Inwalinna iti apagbiit ti panio nga abbong ti rupana inna kitaen no adayuda pay laeng iti ili. Addada pay sumagma
mano a tedteddek ti barot inggana iti dida dumanon iti garreta
