ibilinna nga ipuruakda iti taaw dagiti sagsaganada, tapno saan da
a makabasol. Ngem, uray kasano, dayta gakat yo saan a mabalin a maannugot, saan a mabalin ! maysa a kinamauyong!
Ni don Filipo, a kasta unay a pannakakanniwasna, napilit a nangibabawi iti gakatna.
Dagiti konserbador a kangrunaan a di mabalusingsing, iti ayat da iti pannakaabak ti kadaklan a kabusorda, nakitada, a dida kct nagdanag, a timmakder ti maysa nga agtutubo a kabesa de baranggay a dimmawat a pagsawenda.
—Dawatek kadakayo, Seniorias a pakawanendak, no iti kinaubingko, ta ubingak ket ngarod, innak maitured ti agsao iti saklang dagiti nagkaado nga agkakadayaw a tattao agkakadayaw gapo iti tawenda, gapo iti annad ken laingda nga umamiris kadagiti amin a banbanag, ngem tangay ni nalaing a bumibitla, ni Kapitan Basilio, inawisna amin datao ditoy a mangilatak iti mabalin a mapanunot, ti naturay a saona iso kuma ti agbalin a kasko pamunno iti kinanumo toy biang.
Dagiti konserbador pinagkutida a sirarag-o dagiti ul-ulo da.
!Nasayaat ti panagsao toy a ubing! !Napakumbaba! —!Nakaskasdaaw ti panangwarwarna iti panunotna!—kunkunada.
—Nakail-ilala, ta dina unay ammo ti agyablat iti imana,— kinuna ni Kapitan Basilio. —!Ngem, makitan! saanna nga inadal ni Ciceron, ket ubing pay unay.
—No innak kadakay idatag, gapo, ti maysa a gakat, intuloy daydi agtutubo saanko nga aramiden a gapo ta namnamaek a inkayto makita a nasayaat, wenno tapno inkay ket annamungan; sidadaanak a umannugot iti pagayatanyo amin a sangapada, ket kayatko met a ipakita kadagiti appo a lallakay a dakami nga agtutubo patinayon a pumadakam kadakuada iti panagpanpanunot, ta buyuganmi dagiti kasta unay nagsayaat ti pannakaisawangda a sasao a binalikas ni Kapitan Basilio.
—!Naimbag! !naimbag! — kunkuna -dagiti napataray-ukan a konserbador. Ni Kapitan Basilio inna patpatulduan daydi bumaro, ta insuruna no kasano ti pamayanna kadagiti im-imana ken panangikabilna kadagiti saksakana. Ti laeng saan a nagkir-ing iso ti gobernadorsilio: wenno sabali ti yan ti nakemna, wenno
madanagan: kasla agpadpada dagitoy nga adda kenkuana. Daydi
