— 25 —
ikuyog á masapsapulko naguinanakami, ket siak
naguid-daak. Nalaus unay ti ban-nogko, nupay
no kasta, ni tarog dinaman kayat nga iyappayaw iti nalamuyot a payakna kaniak; piman
agal-alinono ditoy isipko ti nadumaduma á pampanunot, ket inda takawen ti rikna ken talna
ti kararwak. Daguiti nalibeg á matak ti nalaus
á sangsangit, agparangarang kadakuada daguiti
nakaal-aliaw nga aniniwan daguiti masakbayak
ñga aldaw. Naisekan danag ti pusok jay gasat!
no agsapa panawakton ti ili ñga ay-ayatek, dagá
á pagtalinaedan daguiti amin á riknak, es-sem
á nakaayayo, natarnaw á saniata, napintas á
sidong daguiti ragragsak-ko, ayat, nam-nama,
sam-it, rag-ó ti puso; wen; panawak aminen,
diakto mabuyan daguiti napintas á kamuymuyo
nganna, ti langit na á nasin-áw, daguiti narangrang á bitwen, ti naslag á bulan, ti narniag ñga
init. Amin daguitoy á pampanunot isudat'
mangted riribuk ti isipko, ket inda rabnuten
ditoy riknak ti bileg ni nadiosan á nam-nama.
Natalna unay daydi rabiy, awan nray apagkanitò nga arimbangaw á mangdadael ti daydi ulimek ti sangalubongan á parsua; ngem nupay no kasanot' talna daguidi nga oras (horas) diman sumamay kaniak ti im-nas ni turog nga isút mangted ti pigsat bagui, ñgamin man, ti isipko saan á makatalna nga agnanayon nga agpampanunot ti rumbeng nga aramidek. Uray apag darikmat la kuma iti inda ikikidem daguiti kalub daguiti matak; daguidi nga oras nga aglabas in-da kaniak ipaltiing ti nakanat ut-ut nga
