— 24 —
kanto alá mananam ti napait nga apro ni ayat,
no inkanto sagabaen ti rungsut ti biag á nakaay-ay-ay, mamikapikto ta kararwa, ñgem dinakto
pabasulen, ta iti reb-bengko kenka nalpasko á
natungpalen; alá inka idiay Manila......Asikanto
pay nga agsagaba!.
Agtatabuno á dumasál ditoy panunot ko daguiti nainget á duadua; ti dawel ni mañgamañgá binalayan na ti pusok ket diak am-mo ti innak aramiden. Idi nalpas á nagsaó ni ina timmakder idi tugaw na, ket sim-rek idiay siled ti balaymi. Idi rim-muar binagkat na daydi tampipi ñga ayan daguiti pagan-anay ko. Tinarimaanna á pinempen daguiti luput ko nga in-nak ikuyog. Kalpasan ti pan-nakaypen pen-na inyawat ni ina kaniak ti bas-sit á bungon, kinona kaniak:
—Alaem daytoy bas-sit á kuarta á naururnongko ta isut balunem.
Inawat ko; piniguisko ti bungon-na, ket limapulo á pisos ti naglasùd:
—Diak masapul-kinonak kenkuana daytoy á pirak, ibátik kenka, tapno adda madadaan nga inkay igatang iti masapsapulmo bayat ti aldaw á kaawankot' ditoy; bassit laeng ti alaek nga in-nak ibayad iti sasakayan á luganak.
—No makurangankanto idiay ili á papanam sadinonto iti inka pañgalaan?
—Inlasin ko daydi apaguiso á maṣapulko ñga iburay iti in-nak panaglayag, ket ti natda insublik kenkuana.
Idi nalpas amin á nasagsagana daguiti in-nak
