[᭗᭓73B]
᭗᭓
ᬢᬦᬶᬂᬗᬩᬾᬳᬶᬦ᭄ᬭᬶᬗ᭄ᬕᬶᬢ᭄᭟ᬬᬤᬶᬦ᭄ᬯᬢᭂᬓ᭄ᬪᬳᬸᬥᬡ᭄ᬥᬵ᭞ᬢᬓᬶᬢᬓᬶᬫᬯᬗᬸᬦ᭄ᬧᬸᬭᬶᬩᭂᬘᬶ᭠ᬓ᭄᭞ᬭᬾᬄᬲᬥᬦᬲᬫ᭄ᬧᬸᬦ᭄ᬯᬶᬪᬹᬄ᭞ᬢᭂᬢᭂᬧ᭄ᬦᬗ᭄ᬓᭂᬦ᭄ᬲᬩᬸᬮᬦ᭄᭞ᬦᬫ᭄ᬧᬶᬕᬚᬶᬄᬭᬶᬗ᭄ᬕᬶᬢ᭄ᬲᬓᬶᬂᬧᬸᬭᬶᬅᬕᬸᬂ᭞ᬗᬫᬤᬾ
ᬦᬶᬦ᭄ᬧ᭄ᬭᬡ᭄ᬥᬵᬓᬺᬢ᭄ᬢ᭞ᬢᬦ᭄ᬳᬸᬘᬧ᭄ᬳᬶᬧᬢᬶᬄ᭟ᬧᬓᭂᬫ᭄ᬩᬸᬭᬦ᭄ᬭᬶᬗ᭄ᬕᬶᬢ᭄ᬩᬜᬓ᭄᭞ᬦᬸᬫᬹᬃᬲᬢᬸᬧ᭠ᬳᬶᬘᬲᬓᬶᬂᬧᬸᬭᬶ᭞ᬫᬮᬶᬄᬲᬥᬦᬦᬾᬭᬯᬸᬄ᭞ᬧᬳᬶᬘᬫᬗᬭᬘᬓ᭄᭞ᬭᬶᬂᬲᬯᬢᭂᬓ᭄ᬓᬧᬮᬦ᭄ᬧᬓᬲᬾᬄᬯᬶᬪᬹᬄ
ᬲᬤᬳᬦᬾᬭᬶᬂᬳᬋᬧᬦ᭄᭞ᬫᬦᬫ᭄ᬧᬶᬧᬳᬶᬘᬭᬶᬗ᭄ᬕᬶᬢ᭄᭟ᬬᬤᬶᬦ᭄ᬯᬢᭂᬓ᭄ᬲᬦᬾᬧᭂᬘᬓ᭄᭞ᬧᭀᬮᬶᬄᬧᬗ᭄ᬓᬢ᭄ᬢᬍᬃᬓᬲ᭄ᬯᬾᬘᬦ᭄ᬓᬶᬤᬶᬓ᭄᭞ᬭᬶᬗ᭄ᬕᬶᬢ᭄ᬧᬦ᭄ᬲᬶᬬᬸᬦ᭄ᬯᬱ᭄ᬝᬦᬶᬧ᭄ᬧᬸᬦ᭄᭞ᬫᬮᬶᬄᬧᬳᬶᬘᬫᬸᬓᬶᬬ᭞ᬭᬶᬂᬓᬜ᭄ᬚ
ᬭᬦ᭄ᬤᬶᬭᬶᬤᬶᬭᬶᬜᬘᬩ᭄ᬲᬫ᭄ᬧᬸᬦ᭄᭞ᬦᬾᬩᬾᬓ᭄ᬱᬓᬳᬶᬘᬾᬦ᭄ᬲᬯᬄ᭞ᬢᬸᬯᬦ᭄ᬲᬤᬳᬦ᭄᭠ᬫᬦ᭄ᬤᬕᬶᬗᬶᬦ᭄᭟ᬲᬸᬓᬢᬺᬧ᭄ᬢᬶᬕᬶᬮᬶᬓ᭄ᬳᬲᬢ᭄᭞ᬕᬫᬢᬶᬃᬢ᭄ᬢᬫᬦᬢᬓ᭄ᬧ᭄ᬭᬾᬦ᭄ᬢᬄᬅᬓᬶᬫ᭄᭞ᬩᬗᭂᬢ᭄ᬲᬶᬯᬄ᭠
[᭗᭔74A]
ᬓᬤᬶᬥᬗᬸ᭞ᬦᬾᬫᬗ᭄ᬓᬶᬦ᭄ᬧᬭᬶᬲᬓ᭄ᬱᬢ᭄᭞ᬚᬕᬢ᭄ᬲᬲᬓ᭄ᬓᬳᬸᬤᬦᬦ᭄ᬫᬺᬢ᭄ᬢᬮᬦ᭄ᬤᬸᬂ᭞ᬫᬗ᭄ᬭᬦᬬᬂᬕᭂᬫᬸᬄᬜᬩ᭄ᬭᬦ᭄᭞ᬲᬓᬶᬂᬥᬃᬫ᭄ᬫᬦ᭄ᬲᬂᬲᬶᬦᬶᬯᬶ᭟ᬫᬶᬯᬄᬲᬓᬶᬂᬫᬳᬮᬦᬦ᭄᭞ᬍᬯᬶᬄᬲ᭄ᬢᬶᬢᬶᬮᬶᬗ᭄ᬕᬶᬄᬳᬶᬕᬸᬲ᭄ᬢᬶᬧᬢᬶᬄ
ᬗᬶᬭᬶᬂᬫᬗᬃᬤᬶᬬᬂᬮᬦ᭄ᬤᬸᬄ᭞ᬳᬫ᭄ᬩᭂᬓ᭄ᬚᬕᬢᬾᬜᬩ᭄ᬭᬦ᭄᭞ᬤᭀᬦᬶᬂᬓᬗ᭄ᬓᬢ᭄ᬲᬧᬓᬃᬬ᭄ᬬᬲᬶᬤᬮᬚᬸ᭞ᬳᬶᬧᬗᬬᬄᬫᬜᬫ᭄ᬩᬸᬢᬂ᭞ᬳᬲᬶᬂᬢᭂᬫᬦ᭄ᬓᬳᬸᬓᬸᬫᬶᬦ᭄᭟ᬦᬾᬤᬶᬲᬲᬓ᭄ᬬᬦ᭄ᬳᬸᬘᬧᬂᬲᬭᬶᬜ᭄ᬚᬕᬢ᭄ᬩᬲ᭄ᬓᬧᭀ
ᬦᬕᬭᬶᬳᬮᬶᬢ᭄᭞ᬦᬗ᭄ᬳᬶᬂᬓᭂᬫ᭄ᬩᬂᬢᬳᬸᬦ᭄ᬯᬶᬪᬹᬄ᭞ᬓᬳᬢᬹᬃᬭᬶᬂᬳᬶᬢᬸᬯᬦ᭄᭞ᬦᬗ᭄ᬓᭂᬦ᭄ᬓᬧᬄᬕᭂᬦ᭄ᬢᬸᬄᬳᬃᬢ᭄ᬢ᭞ᬓᬸᬤᬂᬫ᭄ᬮᬶᬬᬸᬦ᭄᭞ᬧᭀᬮᬶᬄᬩᬾᬬᬫᬢᬦ᭄ᬤᬶᬗᬦ᭄᭞ᬲᬚᬕᬢᬾᬳᬮᬶᬢ᭄ᬳᬮᬶᬢ᭄᭟ᬭᬶᬂᬭᬲᬶᬦᬶᬂᬕᬸᬫᬶᬲᬲᬓ᭄᭞
ᬯᬦ᭄ᬢᬄᬜᬦ᭄ᬤᬂᬲᬂᬯᬢᭂᬓ᭄ᬯᬶᬪᬸᬄᬓᬶᬃᬢ᭄ᬢᬶ᭟ᬭᬶᬂᬲᬲᬓ᭄ᬚᭂᬦᭂᬓ᭄ᬫᬮᬸᬗ᭄ᬕᬸᬄ᭞ᬢᭂᬢᭂᬧ᭄ᬗ᭄ᬕᬫᭂᬮᬂᬚᬕᬢ᭄᭞ᬯᬶᬭᬾᬄᬳᬶᬤᬪᬝᬵᬭᬲ᭄ᬯᬾᬘᬫᬦᬸᬮᬸᬲ᭄᭞ᬳᬫᭀᬮ᭄ᬳᭀᬩᬳᬦ᭄ᬗᬸᬘᬧᬂ᭞ᬯᭂᬢᬸᬲᬓᬶᬂᬲᬺᬥᬦ᭄ᬳᬢᬶ᭟ᬧᬗᬓ᭄ᬱ
Page:Bali-lontar-gaguritan-rusak-sasak-01-300ppi.pdf/74
This page has been proofread.
