[᭗᭒72B]
᭗᭒
ᬢᬦᬶᬂᬫᬗᬯᬶᬢ᭄ᬜᬶᬯᬶᬢᬭᬢᬸ᭞ᬢᬸᬯᬲ᭄ᬢᬸᬯᬲ᭄ᬢᬸᬯᬲ᭄ᬢᬦᬄᬐᬭᭀᬧᬵ᭞ᬩᬗ᭄ᬰᬮᬮᬶᬦ᭄ᬢᬗᬶᬂᬢᬶᬗ᭄ᬕᬶ᭟ᬳᬶᬕᬸᬲ᭄ᬢᬶᬧᬢᬶᬄᬓᬮᬶᬦ᭄ᬢᬂ᭞ᬧᬕᭂᬄᬗᬶᬭᬶᬂᬫᬩᬯᬳᬶᬦ᭄ᬭᬯᭀᬲ᭄ᬳᬤᬶᬮ᭄᭞ᬤᬾᬦᬶᬂᬫᬯᬶᬯᬾᬓᬦᬸᬮᬸᬲ᭄᭞ᬥᬃᬫ᭄ᬫᬵ
ᬯᬶᬪᬹᬳᬶᬂᬰᬲ᭄ᬢ᭄ᬭᬳ᭞ᬭᬯᭀᬲ᭄ᬧᬜ᭄ᬚᬂᬚᬕ᭄ᬭᬭᬶᬂᬯᬱᬡᬫᬦᬹᬢ᭄᭞ᬫᬗ᭄ᬤᬾᬓᬺᬢ᭄ᬢᬦᬶᬂᬦᬕᬭ᭞ᬫᬗᬸᬧᭂᬢ᭄ᬳᬶᬘᭀᬭᭀᬄᬥᭂᬓᬶᬮ᭄᭟ᬬᬦ᭄ᬳᬸᬧᬫᬶᬢᬸᬳᬭᬪᬶᬦ᭞ᬲᬂᬉᬥᬯᬳᬶᬦᬸᬘᬧ᭄ᬧᬢᬶᬄᬍᬯᬶᬄ᭞ᬭᬶᬂᬤ᭄ᬯᬭᬯᬢᬶᬓᬲᬸᬫ᭄ᬩᬸᬂ᭞ᬫᬓ
ᬤᬶᬦᬶᬂᬦᬬ᭞ᬤᬸᬳᬦᬶᬂᬳᬶᬤᬲᬂᬓᬺᬱ᭄ᬡᬚᭂᬚᭂᬃᬗᬯᭂᬗ᭄ᬓᬸ᭞ᬧᬗᭂᬩᬦᬶᬂᬭᬢᬸᬥᬃᬫ᭄ᬫᬵ᭞ᬯᬢᭂᬓ᭄ᬤᬾᬢᬶᬬᬦᬾ᭠ᬓᬳᬶᬮᬶ᭟ᬳᬫ᭄ᬩᬸᬮ᭄ᬢᭀᬩᬳᬦ᭄ᬗᬸᬘᬧᬂ᭞ᬕᬫᬢᬶᬃᬢ᭄ᬢᬲᬫ᭄ᬧᬸᬦ᭄ᬲᬸᬫᬸᬬᬸᬕ᭄ᬲᬫᬶ᭞ᬗᬶᬭᬶᬂᬧ᭄ᬭᬾᬦ᭄ᬢᬄᬲᬶᬧᬢ᭄ᬋᬚᬸ᭞ᬧᬤᬸᬓ
ᬢᬸᬯᬦ᭄ᬫᬮᬶᬗ᭄ᬕ᭞ᬭᬶᬂᬫᬢᬭᬫ᭄ᬭᬶᬲᬓ᭄ᬱᬢ᭄ᬤᬾᬯᬢᬦᬸᬭᬸᬦ᭄᭞ᬫᬗᬺᬢᬬᬂᬚᬕᬢ᭄ᬲᬲᬓ᭄᭞ᬦᬾᬫᬗ᭄ᬓᬶᬜ᭄ᬘᬭᬶᬢᬫᬮᬶᬄ᭟ᬩᬗ᭄ᬰᬲᭂᬮᬫ᭄ᬦᬾᬓᬳᬸᬘᬧ᭄᭞ᬤᬳᬸᬄᬚᬸᬭᬶᬂᬦᭂᬢᭂᬕ᭄ᬓᬅᬫ᭄ᬧᭂᬦᬦ᭄ᬲᬫᬶ᭞ᬤᭂᬮᭀ
[᭗᭓73A]
ᬤ᭄ᬩᬩᬓ᭄ᬩᬮᬾᬃᬕᬸᬦᬸᬂ᭞ᬫᬗ᭄ᬭᬜ᭄ᬚᬶᬂᬓᬧᬭᬾᬦ᭄ᬢᬄ᭞ᬳᬦ᭄ᬢᬸᬓ᭄ᬤᬦᬾᬳᬶᬢᬸᬯᬦ᭄ᬓᭀᬦ᭄ᬢᬮᬶᬃᬫᬮᬸᬗ᭄ᬕᬸᬄ᭞ᬭᬶᬂᬓᭀᬢᬧᬸᬭᬶᬫᬢᬭᬫ᭄᭞ᬲᬫ᭄ᬧᬸᬦ᭄ᬫᬕᬸᬕᬸᬳᬦᬦ᭄ᬲᬫᬶ᭟ᬓᬧᬮᬜᬫᬗ᭄ᬕᬫᭂᬮᬂ᭞ᬩᬮᬾᬃᬕᬸᬦᬸᬂᬓᬓᬮᬶᬄ᭠
ᬲᬫᬶᬭᬚᬶᬦ᭄᭞ᬤᭂᬮᭀᬤ᭄ᬩᬩᬓ᭄ᬳᬲᬶᬓᬶᬤᬶᬢᬸ᭞ᬤᬶᬕᭂᬭᬸᬂᬓᬧᬜ᭞ᬲᭀᬭᭀᬄᬲᭂᬮᬫ᭄ᬩᬮᬾᬃ᭠ᬩᬩᬓ᭄ᬤᭂᬮᭀᬤ᭄ᬕᬸᬦᬸᬂ᭞ᬤᬳᬸᬄᬚᬸᬭᬶᬂᬫᬢᭂᬮᬲᬦ᭄᭞ᬦᬸᬗ᭄ᬓᭂᬤ᭄ᬭᬯᬸᬄᬓᬧᬲᬶᬲᬶ᭟ᬫᭂᬓᭂᬮ᭄ᬧᬸᬢᬸᬫᬗ᭄ᬕᬫᭂᬮᬂ᭞ᬯᬶ᭠
ᬢ᭄ᬩᬸᬮᬾᬮᬾᬂᬓᬲ᭄ᬯᬾᬘ᭄ᬙᬦ᭄ᬯᬶᬭᬾᬄᬗᬶᬭᬶᬂ᭞ᬳᬶᬢᬸᬯᬦ᭄ᬓᬯᬶᬢᬾᬭᬯᬸᬄ᭞ᬭᬶᬂᬲᬲᬓ᭄ᬢᬹᬃᬫᬯᬶᬦᬦ᭄᭞ᬗᭂ᭠ᬫ᭄ᬩᬢ᭄ᬬᬸᬤᬫᭂᬓᭂᬮ᭄ᬧᬸᬢᬸᬳᬭᬲᬸᬭᬸᬤ᭄᭞ᬧᬕᭂᬄᬗᬶᬭᬶᬂᬧᬓᬬᬸᬦᬦ᭄᭞ᬳᬯᬶᬦᬦ᭄ᬲᬓᬤᬶᬫᬗ᭄ᬓᬶᬦ᭄᭟ᬓᬶᬘᬾ᭠
ᬦ᭄ᬧᬗ᭄ᬓᬢ᭄ᬗ᭄ᬕᬫᭂᬮᬂᬩᬗ᭄ᬰ᭞ᬲᭂᬮᬫ᭄ᬓᬮᬶᬄᬕᭂᬦᬳᬾᬩᭂᬘᬶᬓ᭄᭞ᬭᬶᬂᬫᬢᬭᬫ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬯᬯᬗᬸᬦᬦᬾᬳᬲᬢ᭄᭞ᬩᬮᬾᬩᬮᬾᬧᬓᬦ᭄ᬢᭀᬭᬦ᭄ᬯᬦ᭄ᬢᬄᬳᬦᬹᬢ᭄᭞ᬢᬶᬓᬲ᭄ᬚᬯᬶᬦᬾᬓᬋᬧᬂ᭞ᬲᭀ
Page:Bali-lontar-gaguritan-rusak-sasak-01-300ppi.pdf/73
This page has been proofread.
