[᭖᭙69B]
᭖᭙
ᬗ᭄ᬲᬶᬃ᭞ᬲᬳᬶᬭᬶᬗᬦ᭄᭞ᬧᬸᬢᬺᬧᬸᬢᬸᬲᬫ᭄ᬧᬸᬦ᭄ᬢᬶᬗ᭄ᬕᬮ᭄᭟ᬲᬓᬶᬂᬚᬕᬢᬾᬭᬶᬂᬲᬲᬓ᭄᭞ᬓᬳᬢᬸᬭᬂᬓ᭠ᬪᬝᬵᬯᬶ᭞ᬫᬳᬯᬶᬦᬦ᭄ᬳᬦ᭄ᬢᬸᬓ᭄ᬓᬧᬮ᭄᭞ᬳᬸᬢᬸᬲᬦ᭄ᬭᬶᬭᬶᬄᬜᬋᬗᬶᬦ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬦᬫ᭄ᬧᬶ᭞ᬲᬸᬭᬢ᭄ᬫᬧᬳᬶ
ᬦ᭄ᬤᬶᬓ᭄ᬧᬢᬸᬢ᭄᭞ᬳᬢᬹᬃᬳᬶᬢᬸᬯᬦ᭄ᬚᬾᬦ᭄ᬤ᭄ᬭᬮ᭄᭞ᬢᬸᬯᬦ᭄ᬋᬱᬶᬤᬾᬦ᭄ᬤᬳᬢ᭄ᬭᬶᬭᬶᬄ᭞ᬫᬫᬕᭂᬳᬂ᭞ᬯᬾᬢ᭄ᬥᬃᬫ᭄ᬫᬦᬶᬂᬗ᭄ᬕᬧᭂᬮ᭄ᬚᬕᬢ᭄᭚᭜᭚ᬧᬸᬧᬸᬄ᭞᭑᭕᭞ᬧᬗ᭄ᬓᬸᬃ᭚ᬫᬗ᭄ᬓᬶᬦ᭄ᬩᬾᬩᬲ᭄ᬕᬶᬮᬶᬓ᭄ᬳᬲᬢ᭄᭞ᬕᬫᬢᬶᬃᬢ᭄ᬢ
ᬭᬶᬂᬯᭂᬗ᭄ᬓᬦ᭄ᬲᬲᬓ᭄ᬲᬫᬶ᭞ᬓᬮᬶᬄᬲᭂᬮᬫ᭄ᬢᭂᬧᭀᬄᬜᬸᬜ᭄ᬚᬸᬂ᭞ᬧᬫ᭄ᬭᬶᬦ᭄ᬢᬄᬰ᭄ᬭᬶᬧᬤᬸᬓ᭞ᬢᬸᬯᬦ᭄ᬋᬱᬶᬤᬾᬦ᭄ᬓᬮᬶᬄᬚᬾᬦ᭄ᬤ᭄ᬭᬮ᭄ᬢᬸᬳᬭᬲᬸᬭᬸᬤ᭄᭞ᬲᬋᬂᬦ᭄ᬤᬫ᭄ᬤᬫ᭄ᬓᬬᬸᬦ᭄ᬫᬦᬄ᭞ᬳᬶᬤᬤᬦᬾᬳᬶᬧᬸᬦ᭄ᬲᬫᬶ᭟ᬓᬮᬶᬄᬧ᭄ᬭᬡ᭄ᬥᬵ᭠
ᬰᬷᬯ᭄ᬯᬩᬸᬤ᭞ᬲᬫᬶᬳᬾᬕᬃᬫ᭄ᬩᬯᭀᬲᬂᬦᬾᬦ᭄ᬢᭂᬦ᭄ᬫᬮᬶᬄ᭞ᬧᬓᬬᬸᬦᬦ᭄ᬲ᭄ᬯᬾᬘ᭄ᬙᬦᬸᬮᬸᬲ᭄᭞ᬫᬗᬸᬭᬶᬧ᭄ᬫᬜ᭄ᬚᭂᬚᭂᬭᬂ᭞ᬢᬹᬢᬶᬂᬩᬗ᭄ᬰᬲᬧᬺᬢᬶᬗ᭄ᬓᬄᬩᬸᬓᬫᬮᬸ᭞ᬧᬾᬢ᭄ᬳᬤᬚᬢᬶᬓᬳᭀᬩᬄ᭞ᬫᬗ᭄ᬤᬾᬓᬺᬢ᭄ᬢᬦᬶᬂᬦᬕᬭ᭟᭠
[᭗᭐70A]
ᬤᬶᬢᬸᬭᬭᬶᬲ᭄ᬰ᭄ᬭᬶᬧᬤᬸᬓ᭞ᬢᬸᬚᬾᬦ᭄ᬤ᭄ᬭᬮ᭄ᬗᬸᬦ᭄ᬤ᭄ᬭᬮ᭄ᬩᬸᬤᬮᬾᬲᬓᬶᬂᬳᬭᬶᬲ᭄᭞ᬫᬦ᭄ᬢᬸᬓ᭄ᬓᬪᬝᬵᬯᬶᬲᬫ᭄ᬧᬸᬦ᭄᭞ᬤᬶ᭠ᬲᬲᬓ᭄ᬓᬩᬯᭀᬲᬂ᭞ᬢᬸᬳᬭᬳᬤᬩᬦᬶᬧᬂᬧᬂᬫᬶᬯᬮ᭄ᬓᬬᬸᬦ᭄᭞ᬓᬮᬶᬂᬲᬲᭀᬭᭀᬳᬦ᭄ᬲᭂᬮᬫ᭄᭞ᬧᭂᬘᬓ᭄᭠
ᬩᬯᬄᬧ᭄ᬭᬾᬦ᭄ᬢᬄᬩᬮᬶ᭟ᬭᬶᬂᬲᬫ᭄ᬧᬸᬦᬾᬫᬢᬳᬸᬦᬦ᭄᭞ᬘᬮᬸᬄᬓᬺᬢ᭄ᬢᬳᬫ᭄ᬩᭂᬓ᭄ᬚᬕᬢᬾᬲᬫᬶ᭞ᬲᭂᬮᬫ᭄ᬕᬫᬢᬶᬃᬢ᭄ᬢᬜᬸᬜ᭄ᬚᬸᬂ᭞ᬳᬤᬶᬮᬶᬂᬧᬧ᭄ᬭᬾᬦ᭄ᬢᬳᬦ᭄᭞ᬦᬾᬭᬶᬂᬲᬲᬓ᭄ᬢᭂᬢᭂᬧ᭄ᬢᬶᬕᬂᬤᬾᬰᬫᬸᬗ᭄ᬕᬄ᭞ᬳᬶᬢᬸᬯᬦ᭄ᬗ᭄ᬕᬫᭂᬮᬧ᭄ᬭᬾᬦ᭄ᬢᬄ
ᬯᬾᬢ᭄ᬩᬾᬢ᭄ᬯᬶᬚᬶᬮᬶᬂᬯᬮᬡ᭄ᬥᬶ᭟ᬦᬾᬭᬶᬂᬮᬪᬹᬄᬳᬚᬶᬧᬹᬃᬯ᭄ᬯ᭞ᬫᬸᬗ᭄ᬕᬸᬳᬶᬂᬲᭂᬮᭀᬂᬳᬮᬲ᭄ᬓᬯᬗᬸᬦ᭄ᬤᬾᬰᬶ᭞ᬮᬸ᭠ᬚᬶᬧᬲᬗ᭄ᬕ᭄ᬭᬳᬦ᭄ᬫᬸᬭᬸᬩ᭄᭞ᬲᬫ᭄ᬧᬸᬦ᭄ᬫᬘᬢᬹᬃᬢᬦ᭄ᬥᬵ᭞ᬧ᭄ᬭᬶᬗ᭄ᬕᬪᬬᬳᬫᬲ᭄ᬩᬕᬾᬘᬓᬺᬢᭂᬮᬸ᭞ᬭᬭᬂᬧᬢ᭄ᬧᬢ᭄ᬯᬢᭂᬲᬦ᭄᭞
ᬓᬳᬸᬄᬤᬶᬲ᭄ᬢ᭄ᬭᬶᬓ᭄ᬮᬩᬸᬄᬳᬚᬶ᭟ᬓᬧᬶᬂᬭᭀᬭᬶᬂᬧ᭄ᬭᬬᬳᬸᬘᬧ᭄᭞ᬮᬶᬗ᭄ᬕᬶᬄᬤᬦᬾᬧᬤᬸᬓᬢᬸᬯᬦ᭄ᬓᭀᬦ᭄ᬢ᭄ᬭᬳᬶᬃ᭞ᬫᬸᬗ᭄ᬕᬸᬳᬶᬂᬤᬾᬰᬫᬮᬶᬄᬯᬗᬸᬦ᭄᭞ᬧᬲᬗ᭄ᬕ᭄ᬭᬳᬦ᭄ᬫᬤᬩ᭄ᬤᬩ᭄᭞ᬘᬢᬹᬃᬢᬦ᭄ᬥᬵᬩᬢᬸᬓ᭄ᬮᬶᬬᬂᬓᭀᬧᬂᬳᬶᬧᬸᬦ᭄᭞ᬧ᭄ᬭᬬ
Page:Bali-lontar-gaguritan-rusak-sasak-01-300ppi.pdf/70
This page has been proofread.
