[᭖᭘68B]
᭖᭘
ᬬᬂ᭞ᬓᭂᬦᬶᬭᬸᬲᬓ᭄ᬲᬋᬂᬲᬫᬶ᭞ᬧᬜᬫ᭄ᬧᬹᬃᬡ᭄ᬦᬦ᭄ᬓ᭄ᬮᬾᬰᬦᬾᬭᬶᬂᬭᬕ᭟ᬭᬵᬚᬧᬸᬢ᭄ᬭᬶᬧᬭᬭᬗ᭄ᬤ᭞ᬭᬩᬶᬧᬧᬘᬗᬦ᭄ᬲᬫᬶ᭞ᬫᬗ᭄ᬓᬶᬦ᭄ᬳᬾᬮᬶᬂᬭᬶᬂᬓᬚᬢᬶᬳᬦ᭄᭞ᬳᬸᬭᬶᬧᬾᬫᬦ᭄ᬢᬸᬓ᭄ᬓᬧᬢᬶ᭞ᬳᬯᬶᬦᬦ᭄ᬲᬫ᭄ᬧᬸᬦ᭄ᬕᬶᬮᬶᬓ᭄᭞
ᬫᬗ᭄ᬕᭂᬄᬢᬦ᭄ᬓᬬᬸᬦ᭄ᬫᬦᬸᬗ᭄ᬓᬸᬮ᭄᭞ᬫᬗ᭄ᬓᬶᬦ᭄ᬫᬮᬶᬄᬓᭀᬘᬧᬂ᭞ᬰ᭄ᬭᬶᬧᬤᬸᬓᬢᬸᬯᬦ᭄ᬓᬮᬶᬄ᭞ᬋᬱᬶᬤᬾᬦ᭄ᬚᬾᬦ᭄ᬤ᭄ᬭᬮ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬧᬓᬬᬸᬦᬦ᭄᭟ᬧᬘᬂᬫᬦ᭄ᬤᬕᬶᬗᬶᬦ᭄ᬧᬶᬲᬦ᭄᭞ᬓᬲᭂᬓ᭄ᬲᬭᬶᬗᬬᬸᬤᬳᬶᬦ᭄᭞ᬲᬶᬂᬫᬓ᭠
ᬬᬦ᭄ᬫᬧᬸᬧᬸᬢᬦ᭄᭞ᬫᬗ᭄ᬤᬳᬾᬦ᭄ᬢᬲᬓᬶᬂᬕᭂᬮᬶᬲ᭄᭞ᬜᬫ᭄ᬩᬸᬢ᭄ᬲᬢᬸᬳᬦᬾᬫᬗ᭄ᬓᬶᬦ᭄᭞ᬩᬾᬜ᭄ᬚᬂᬢᬢ᭠ᬲ᭄ᬍᬫᬄᬲᬫ᭄ᬧᬸᬦ᭄᭞ᬲᬹᬭᬤᬥᬹᬦᬾᬦᬧᬓ᭄᭞ᬫᬗᬶᬢᭂᬃᬕ᭄ᬭᬶᬬᬲᭂᬓ᭄ᬲᬭᬷ᭞ᬅᬦᬓ᭄ᬅᬕᬸᬂ᭞ᬳᬶᬲ᭄ᬢᬶᬓᬓᬸᬂᬕᭂᬮᬶ᭠
ᬲ᭄ᬫᭂᬤᬮ᭄᭟ᬓᬮᬶᬄᬯᬢᭂᬓ᭄ᬧᬭᬭᬗ᭄ᬤ᭞ᬭᬩᬶᬧᬧᬘᬗᬦ᭄ᬫᬮᬶᬄ᭞ᬧᬧᬶᬗᬶᬢᬦ᭄ᬫᬳᬶᬭᬶᬗᬦ᭄᭞ᬯᬾ᭠ᬦ᭄ᬢᭂᬦ᭄ᬳᬲᬢᬸᬲ᭄ᬲᬶᬓᬶ᭞ᬦᬾᬳᬶᬲ᭄ᬢ᭄ᬭᬶᬮᬦᬂᬫᬸᬯᬦᬶ᭞ᬩ᭄ᬭᬳ᭄ᬫᬵᬦᬫᬓᬤᬶᬯᬶᬓᬸ᭞ᬳᬤᬳᬸᬄᬩᬾᬩᬲ᭄ᬢ᭄ᬮᬲ᭄᭞
[᭖᭙69A]
ᬩᬗ᭄ᬓᬾᬮᬬᭀᬦᬾᬫᬢᬶᬦ᭄ᬤᬶᬄ᭞ᬢᬸᬢᬶᬂᬘᭂᬦᬶᬓ᭄᭞ᬤᬶᬢᬸᬳᬤᬫᬶᬮᬸᬭᬸᬲᬓ᭄᭟ᬯᬶᬳᬓ᭄ᬢᬶᬩᬸᬓᬯᬶᬓᬸ᭠ᬤᬸᬳᬂ᭞ᬦᬾᬳᬲᬶᬓᬶᬤᬸᬭᬸᬲ᭄ᬮᬶᬘᬶᬦ᭄᭞ᬅᬦᬓ᭄ᬅᬕᬸᬂᬦᭂᬗᬄᬓᬭᬂ᭞ᬲᬳᬶᬭᬶᬗᬦ᭄ᬳᬶᬤᬓᬭᬶ᭞ᬫᬗᬦ᭄ᬢᭀᬲ᭄ᬩᬮᬾᬃ
ᬳᭂᬦᬶᬂ᭞ᬲᬹᬭᬤᬥᬹᬢᬸᬳᬭᬢᬳᬸ᭟ᬭᬾᬄᬳᬦᬓ᭄ᬅᬕᬸᬂᬳᬶᬤ᭞ᬫᬩᭂᬮᬢ᭄ᬢᬸᬚᬤ᭄ᬫᬮᬶᬗ᭄ᬕᬶᬄ᭞ᬓ᭄ᬭᬡᬮᬸᬧᬸᬢ᭄᭞ᬫᬗ᭄ᬓᬶᬦ᭄ᬫᬗᬶᬗ᭄ᬲᬶᬭᬶᬦ᭄ᬕᭂᬦᬄ᭞ᬓᬢᭀᬄᬧᬢᬶ᭞ᬲᬳᬶᬭᬶᬗᬦ᭄᭞ᬫᬗ᭄ᬕᭂᬄᬧᬓᬬᬸᬦᬦ᭄ᬕᬶᬦ᭄ᬢᬶᬂ᭞ᬫᬳᬶᬭᬶᬗᬦ᭄ᬓᭂᬦᬶ᭠
ᬭᬸᬲᬓ᭄᭞ᬳᬶᬢᬸᬯᬦ᭄ᬫᬶᬲ᭄ᬢᬶᬦ᭄ᬤᬕᬶᬗᬶᬦ᭄᭞ᬫᬳᭂᬍᬢ᭄ᬯᭂᬗᬶᬭᬭᬶᬲ᭄᭞ᬲᬹᬭᬤᬥᬹᬲᬫ᭄ᬧᬸᬦ᭄ᬭᬯᬸᬄ᭞ᬓᬢᭀᬄᬧᬢᬶᬫᬗᬫ᭄ᬩᬶᬳᬃ᭞ᬅᬦᬓ᭄ᬅᬕᬸᬂᬗᬫᬶᬚᬶᬮᬶᬦ᭄᭞ᬗ᭄ᬕᬶᬂᬫᬲᬸᬭᬸᬂ᭞ᬩᬳᬦ᭄ᬓᬸᬃᬲᬶᬓᬮᬶᬗ᭄ᬕᬶᬳᬂ᭟ᬤᬶᬬᬃᬕ᭄ᬕᬶᬦᬾᬤᬶᬢᬸᬩᬾ
ᬩᬲ᭄᭞ᬳᬶᬲᬹᬭᬤᬥᬹᬫ᭄ᬩᭂᬤᬶᬮᬶ᭞ᬲᬳᬶᬭᬶᬗᬦ᭄ᬢᭂᬮᬲ᭄ᬭᬸᬲᬓ᭄᭞ᬯᬾᬦ᭄ᬢᭂᬦ᭄ᬓᬮᬶᬄᬤᬰᬲᬶᬓᬶ᭞ᬳᬶᬢᬸᬯᬦ᭄ᬲᬫ᭄ᬧᬸᬦ᭄ᬗᬶᬮᬶᬲ᭄᭞ᬫᬓᬬᬸᬦᬦ᭄ᬳᬸᬲᬦ᭄ᬍᬲᬸ᭞ᬕᬸᬧᬸᬄᬫ᭄ᬩᬯᭀᬲᬂᬬᬸᬤ᭞ᬓᬮᬶᬄᬅᬦᬓ᭄ᬅᬕᬸᬂᬮᬶ
Page:Bali-lontar-gaguritan-rusak-sasak-01-300ppi.pdf/69
This page has been proofread.
