[᭖᭖66B]
ᬬᬦ᭄ᬓᬬᬸᬦ᭄ᬧᬜ᭄ᬚᬂᬬᬸᬰ᭞ᬓᬮᬶᬄᬧᬸᬢᬺᬧᬸᬢᬸᬲᬫᬶ᭞ᬲᬦᬾᬓᬭᬶ᭞ᬓᬸᬫ᭄ᬧᭂᬦᬶᬮᬶᬢᬂ᭞ᬢᭂᬭᬶᬫ᭟ᬲᬫ᭄ᬧᬸᬦ᭄ᬗᬦ᭄ᬢᭀᬲ᭄ᬤᬶᬦᬮᬶᬬᬦ᭄᭞ᬓᭂᬦᬶᬲᬹᬭᬤᬥᬹᬲᬫᬶ᭞ᬩᬾᬩᬲ᭄ᬧᭀᬮᬶᬄᬫᬗᬢᬸᬭᬂ᭞ᬩᭂᬃᬲᬮᬫ᭄ᬘᬶᬳ᭄ᬦᬦᬶᬗᬲᬶᬄ
ᬭᬶᬂᬅᬦᬓ᭄ᬅᬕᬸᬂᬲᬫᬶ᭞ᬧᬸᬢ᭄ᬭᬧᬸᬢᬸᬫᬗ᭄ᬤᬮᬸᬲ᭄᭞ᬮᬶᬗ᭄ᬕᬶᬄᬳᬶᬤᬫᬓᭂᬚᬂ᭞ᬲᬫ᭄ᬩᬸᬢᬂᬲᬢᬸᬳᬦᬾᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬦᬧᬓ᭄᭞ᬲᬫᬶᬭᬯᬸᬄᬭᬶᬂᬲᭂᬓ᭄ᬲᭂᬓᬃ᭟ᬳᬸᬦ᭄ᬢᬢ᭄ᬚᬮᬚᬗ᭄ᬭᬶᬳᬶᬦᬂ᭞ᬭᬶᬂᬧᭂᬓᬓ᭄ᬥᬫᬢᬸᬃᬪᬓ᭄ᬢᬶ᭞ᬫᬗ
ᬢᬹᬭᬂᬤᬕᬶᬂᬩᬯᭀᬲ᭄᭞ᬳᬶᬢᬸᬯᬦ᭄ᬚᬾᬦ᭄ᬤ᭄ᬭᬮ᭄ᬫᬓᬤᬶ᭞ᬋᬱᬶᬤᬾᬦ᭄ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬬᬦ᭄ᬦᬓ᭄ᬅᬕᬸᬂᬗᬸᬭᬄᬓᬬᬸᬦ᭄᭞ᬫᬜ᭄ᬚᭂᬦᭂᬂᬲᬋᬂᬲᬫᬶᬳᬳᬦ᭄᭞ᬮᬶᬗ᭄ᬕᬶᬳᬾᬢᬦ᭄ᬯᬾᬦ᭄ᬢᭂᬦ᭄ᬕᬶᬗ᭄ᬲᬶᬃ᭞ᬫᬗ᭄ᬤᬫᬗ᭄ᬓᬶᬦ᭄᭞ᬓᭀᬤᬮᬾ᭠
ᬫᬢᭂᬫᬸᬲᬮᬫ᭄᭟ᬲᬹᬭᬤᬥᬹᬲᬫ᭄ᬧᬸᬦ᭄ᬦᬧᬓ᭄᭞ᬭᬶᬂᬚᬩᬫᬗᬦ᭄ᬢᭀᬲᬫᬶ᭞ᬓᬮᬶᬄᬢᭂᬓ᭄ᬧᭀᬮᬶᬄᬧᬗ᭄ᬓᬢ᭄᭞ᬫᬓᬤᬶᬜᬦᬾᬓᬓᬮᬶᬄ᭞ᬋᬱᬶᬤᬾᬦ᭄ᬚᬾᬦ᭄ᬤ᭄ᬭᬮ᭄ᬓᬳᬶᬭᬶᬂ᭞ᬅᬦᬓ᭄ᬅᬕᬸᬂᬗᬸᬭᬄᬲᬫ᭄ᬧᬸᬦ᭄᭞ᬩᬾ᭠
[᭖᭗67A]
ᬩᬲ᭄ᬫᬶᬲᬶᬗ᭄ᬕᬶᬄᬧᬶᬲᬦ᭄᭞ᬳᬢᬹᬃᬧᬸᬢᬸᬦᬾᬫᬗ᭄ᬭᬭᬶᬲ᭄᭞ᬕᭂᬮᬶᬲ᭄ᬓᭀᬤᬮ᭄᭞ᬫᬧᬶᬓᬸᬮ᭄ᬢᬸᬳᬭᬲᬸᬤᬾᬳᬵ᭟ᬧᬸᬢ᭄ᬭᬧᬸᬢᬸᬫᬗᬶᬭᬶᬗᬂ᭞ᬧᬢ᭄ᬧᬢ᭄ᬲᬫᬶᬭᬯᬸᬳᬶᬂᬳᬮᬶᬢ᭄᭞ᬦᬗ᭄ᬳᬶᬂᬲᬦᬾᬮᬦᬂᬮᬦᬂ᭞ᬮᬮᬶᬫᬧᬶᬢᬸᬗᬦ᭄ᬲᬫᬶ᭞᭠
ᬭᬯᬸᬳᬶᬂᬲᬦᬾᬫᬭᬦᬶᬦ᭄᭞ᬩᬸᬦᬧᬓ᭄ᬭᬶᬂᬚᬩᬲᬫ᭄ᬧᬸᬦ᭄᭞ᬓᬸᬫᭂᬦ᭄ᬤᬦ᭄ᬳᬓᬾᬄᬫᭂᬦ᭄ᬤᬓ᭄᭞ᬲᬫᬶᬫᬳ᭠ᬜ᭄ᬚᬶᬂᬢᬦ᭄ᬓᭂᬭᬶᬲ᭄᭞ᬢᬹᬢ᭄ᬳᬶᬭᬶᬗᬦ᭄᭞ᬢᬸᬳᬭᬫᬗᬤᬬᬂᬳᬤ᭟ᬲᬓᬢᬳᬾᬯᬾᬦ᭄ᬢᭂᬦ᭄ᬭᭀᬭᬲ᭄᭞ᬧᬸᬦᬶᬓᬦᬾᬪ
ᬓ᭄ᬢᬶᬗᬶᬭᬶᬂ᭞ᬅᬦᬓ᭄ᬅᬕᬸᬂᬮᬶᬗ᭄ᬲᬶᬃᬋᬓᭀ᭞ᬳᬶᬭᬦ᭄ᬢᬾᬳᬦ᭄ᬲᬫ᭄ᬧᬸᬦ᭄ᬗᬫ᭄ᬩᬶᬮ᭄᭞ᬫᬫᬶᬓᬸᬮ᭄ᬓᭂᬦᬶᬕᭂᬮᬶ᭠ᬲ᭄᭞ᬲᬓᬶᬂᬧᬓᬬᬸᬦᬦ᭄ᬢᬸᬤᬸᬄ᭞ᬳᬶᬢᬸᬯᬦ᭄ᬋᬱᬶᬤᬾᬦ᭄ᬚᬾᬦ᭄ᬤ᭄ᬭᬮ᭄᭞ᬫ᭄ᬩᬓ᭄ᬢᬅᬦᬓ᭄ᬅᬕᬸᬂᬫᬗ᭄ᬓᬶᬦ᭄᭞ᬓᬅᬫ᭄ᬧᭂᬦ
ᬦ᭄ᬲᬦᬾᬲᬯᬾᬦ᭄ᬢᭂᬦ᭄ᬳᬶᬭᬶᬓ᭟ᬗᬶᬭᬶᬂᬅᬦᬓ᭄ᬅᬕᬸᬂᬗᬸᬭᬄ᭞ᬤᬤᬶᬩᭂᬗᭀᬂᬲᬋᬂᬲᬫᬶ᭞ᬢᬸᬳᬭᬳᬤᬗᭂᬮᬄᬭᬯᭀᬲ᭄᭞ᬓᬲᭂᬄᬲᭂᬄᬧᬧᬥᬫᬫᬃᬕ᭄ᬕᬶ᭞ᬓᬮᬶᬲᬢ᭄ᬧᬥᬚᭂᬗᬶᬲ᭄᭞ᬳᬤᬗᭂᬫ᭄ᬩᭂᬂᬢᭀᬬᬦ᭄ᬤᬸᬮᬸ᭞ᬓ᭠
Page:Bali-lontar-gaguritan-rusak-sasak-01-300ppi.pdf/67
This page has been proofread.
