[᭖᭕65B]
ᬓᬸᬫ᭄ᬧᬸᬮ᭄᭞ᬲᬤᬕᬶᬂᬧᬸᬭᬶᬢᭂᬮᬲ᭄᭞ᬭᬶᬂᬲᭂᬓ᭄ᬲᬭᬶᬕᭂᬦᬄᬫᬮᬶᬗ᭄ᬕᬶᬄ᭞ᬤᬗᬶᬦ᭄ᬲᬶᬦ᭄ᬥᬸ᭞ᬭᬶᬂᬸᬩᬮᬾᬃ᭠ᬢᬫᬦ᭄ᬯᬗ᭄ᬲᬸᬮᬂ᭟ᬩᬾᬜ᭄ᬚᬂᬩᬳᬸᬢᬢᬲ᭄ᬍᬫᬄ᭞ᬰ᭄ᬭᬶᬧᬤᬸᬓᬢᬸᬯᬦ᭄ᬓᬮᬶᬄ᭞ᬋᬱᬶᬤᬾᬦ᭄ᬚᬾᬦ᭄ᬤ᭄ᬭᬮ᭄᭠
ᬲᬫ᭄ᬧᬸᬦ᭄ᬯᬶᬓᬦ᭄᭞ᬭᬶᬂᬳᬦᬓᬾᬅᬕᬸᬂᬮᬶᬗ᭄ᬲᬶᬃ᭞ᬲᬤᬕᬶᬂᬧᬸᬭᬗᬶᬭᬶᬂ᭞ᬮᭀᬲ᭄ᬓᬲᭂᬓ᭄ᬲᬭᬶᬓᬾᬯᬸᬄᬭᬓᭂᬢ᭄ᬓᬭᬓᬸᬢᬺᬱ᭄ᬡᬵ᭞ᬭᬶᬂᬯᭂᬓᬧᬸᬢᬸᬮᬦ᭄ᬭᬩᬶ᭞ᬓ᭄ᬭᬡᬵᬢᬶᬗ᭄ᬕᬮ᭄ᬰᬹᬭᬤᬃᬫ᭄ᬫᬦᬶᬂᬓ᭄ᬱᬢ᭄ᬭᬶᬬ᭟ᬳᬶᬢᬸ᭠
ᬯᬦ᭄ᬭᬭᬶᬲ᭄ᬩᬸᬢᬸᬲᬂ᭞ᬲᬹᬭᬤᬥᬹᬦᬾᬜ᭄ᬚᬭᬳᬶᬦ᭄᭞ᬭᬶᬗ᭄ᬕᬶᬢᬾᬦᭀᬗᭀᬲ᭄ᬤᬶᬕᭂᬤᭀᬂ᭞ᬮᬾᬦ᭄ᬤᬶᬦᬃᬳᬓᬸᬤᬂᬧᭂᬢᬶ᭞ᬳᭂᬫᬲ᭄ᬮᬾᬬᬭᬦ᭄ᬫᬮᬶᬄ᭞ᬲᬗ᭄ᬓᬸᬩᭀᬓᭀᬃᬓᬸᬤᬂᬳᬶᬧᬸᬦ᭄᭞ᬲᬃᬯ᭄ᬯᬪᬹᬱᬡᬵᬓᬯᭀ᭠
ᬢ᭄᭞ᬦᬾᬫᬲᭀᬘᬫᬸᬮᬾᬲᬫᬶ᭞ᬲᬦᬶᬲ᭄ᬢᬦ᭞ᬲᭀᬭᭀᬄᬳᬚᬶᬢᭂᬮᬸᬂᬬᬸᬢ᭄ᬢ᭟ᬭᬶᬂᬧᬸᬭᬶᬓᬗᬶᬦ᭄ᬕᬦ᭄ᬢᬲ᭄᭞ᬓᬸᬫ᭄ᬧᭂᬦᬶᬤᬶᬢᬸᬗᬸᬓᬸᬳᬶᬦ᭄᭞ᬕᭂᬤᭀᬂᬫᬬᬸᬭᬓᬧᬸᬯᬓ᭄᭞ᬲᭂᬮᬫ᭄ᬩᬮᬶᬫᬜ᭄ᬚᬭᬳᬶᬦ᭄᭞
[᭖᭖66A]
ᬳᬸᬓᬸᬤᬂᬩᬭᬧᬶᬧᬶᬲ᭄᭞ᬫᬢᭂᬕᭂᬦ᭄ᬫᬲᬸᬳᬸᬦ᭄ᬲᬸᬳᬸᬦ᭄᭞ᬯᬢᬭᬢᭂᬮᬸᬂᬤᬶᬦ᭞ᬍᬫᭂᬂᬍᬫᬄᬓᬳᬸᬜ᭄ᬚᬮᬶᬦ᭄᭞ᬫᬗ᭄ᬓᬶᬦ᭄ᬓᭀᬘᬧ᭄᭞ᬲᬤᬕᬶᬂᬤᬾᬰᬦᬾᬩᭂᬩᬲ᭄᭟ᬩᬜ᭄ᬚᬃᬩᬜ᭄ᬚᬭᬦ᭄ᬫᬓᭂᬚᬂ᭞ᬧᬺᬫᬾᬦᬓ᭄ᬧᬸᬗ᭄ᬕᬯᬓᬮᬶᬄ
ᬲᬸᬮᬶᬗ᭄ᬕᬶᬄᬫᬰᬶᬯ᭄ᬯᬩᬸᬤ᭞ᬳᬢᬧ᭄ᬲᬫᬶᬦᬸᬦᬲ᭄ᬳᬸᬭᬶᬧ᭄᭞ᬭᬶᬂᬧᬤᬸᬓᬲᬂᬓᬮᬶᬄ᭞ᬋᬱᬶᬤᬾᬦ᭄ᬚᬾᬦ᭄ᬤ᭄ᬭᬮ᭄ᬲ᭄ᬯᬾᬘᬦᬸᬮᬸᬲ᭄᭞ᬯᬘᬦᬫᬥᬸᬫᭂᬫ᭄ᬩᬄ᭞ᬳᭂᬤᬗᬗ᭄ᬕᬾᬦ᭄ᬲᭂᬓᭂᬮ᭄ᬳᬢᬶ᭞ᬩᬦ᭄ᬫᬲᬶᬳᬢ᭄ᬯᬶᬭᬾᬄᬗᬶᬭᬶᬂᬧᬓᬬᬸᬦᬦ᭄᭟ᬲᬂ
ᬫᬦᬶᬢᬄᬤᬤᬶᬭᬵᬚ᭞ᬳᬶᬢᬢ᭄ᬭᬶᬫᬲᬸᬩᬚᬦᬶ᭞ᬳᬶᬤᬕᬸᬲ᭄ᬢᬶᬭᬶᬂᬧᬥᬡ᭄ᬥᬵ᭞ᬫᬶᬯᬄᬭᬶᬂᬚᬦ᭄ᬫᬦᬾᬘᭂᬭᬶᬓ᭄᭞ᬧᬥᬫᬦᬸᬦᬲ᭄ᬳᬸᬭᬶᬧ᭄᭞ᬦᬾᬫᬗ᭄ᬓᬶᬦ᭄ᬓᭀᬘᬧᬂᬲᬫ᭄ᬧᬸᬦ᭄᭞ᬳᬶᬢᬸᬯᬦ᭄ᬫᬫᬸᬧᬸᬢᬂ᭞ᬧᬗ᭄ᬭᬯᭀᬲ᭄ᬓᬮᬶᬦ᭄ᬢᬂᬲᬦ᭄ᬥᬶ᭞ᬭᬶᬂᬦᬾ᭠
ᬓᭀᬘᬧ᭄᭞ᬫᬧᬭᬦ᭄ᬳᬸᬦ᭄ᬢᬢ᭄ᬚᬮᬚ᭟ᬅᬦᬓ᭄ᬅᬕᬸᬂᬦᬾᬫᬮᬶᬗ᭄ᬕ᭞ᬤᬶᬢᭀᬄᬧᬢᬶᬲᬸᬩᬗᬶᬭᬶᬂ᭞ᬧᬓᬬᬸᬦᬦ᭄ᬰ᭄ᬭᬶᬧᬤᬸᬓ᭟ᬭᬳᬸᬄᬓᬲᭂᬓ᭄ᬲᬭᬶᬕᭂᬮᬶᬲ᭄᭞ᬗᬢᬹᬭᬂᬧᬫᬶᬳᬸᬦᬶᬂ᭞ᬭᬶᬂᬦᬓ᭄ᬅᬕᬸᬂᬗᬸᬭᬄᬢᬸᬳᬸ᭞
Page:Bali-lontar-gaguritan-rusak-sasak-01-300ppi.pdf/66
This page has been proofread.
