17
IV.
PANAMILIT...
——
Gabi-í...
Matud pa sa mga Magbabalak, ang adlaw gibuhat ni Bathala, alang sa mga tawo, ug ang gabi-í alang sa gugma. Ug kadtong gabhi-una, magbabasa, matahúm, uyamut, makabibihag. Sa matín-awng langit di-ín waláy bisan usá ka dag-um nagbulíng. Bulang takdol nagabanwag sa dakúng ka-iga; sa tanaman, nakighagwahagwa sa daghang mga bulak usá ka mabúgnawng hoyohoy; ang mga mangliw, kanáng mga mag-aawit sa atong kaumahan, nanag-iyaháyg pagbati sa ilang makawiwiling taghoy balitaw nga ginaduyogan sa usá ka kitarang daw may bulawang koldas....
Gabi-í sa pinarayganay.... apan sa pinarayganayng dili sa mga halók ug hudyaka, kung dili sa kasakit ug hilak... Maó ang gabi-í sa panamilit. Inígka-ugma, sayó uyamut, mogikan na si Leon padulong sa Manila.
Sa dinayandayanan sa daghang mga tanum nga "azotea" sa baláy ni Kapitán Jantoy, sa dapit di-ín—¡amáng saksi sa ila kanhing mga kalipay!—nagapuug-ut ang "morning glory," anaa si Leon ug Sidíng. Katapusang gabi-í nga kanila na
.
