80
ram kun ano an hinuhukad ha iya, ngan kun ano an isinusulod. Hala, kutkot, kutkot!
Ngan magtipakadto ha guruwaan.
An magkurutkot han luong nakakahuman man han iya
buruhaton; duduha katambak nga tuna nga mapula, nga
mahulushulos pa, nabungdo ha magkasi daplin han kutkot.
Kinmuha hin buyo didto han iya salukot, nagmama ham
tang nagkikinita sugad hin lurong han lunlon nahananabo
didto ha iya harani.
XIII. TIHARANI NGA BAGYO
Igo gud nga nagawas an lagas, naukoy man ha tungod han haligot nga dalan in usa nga sarakyan nga baga sugad hin pag-aabot pa la tikang ha hirayo kay taputapuhon pa ngan iginbabalhas an mga kabayo. Hi Ibarra an hinmawas didto bunyog in usa nga lagas nga suruguon; sininyasan an sarakyan pagpalakat ngan sinmulod ngadto ha panlubnganan waray yakanyakan ngan na-
buot. —Nasakit ako ngan damo an akon kabilinggan amo an diri ko paghinganhi liwat! — nagsiring an lagas; —Hi Kapitan Tiyago nagsiring nga iya kuno adto pahihimuan hin pantiyon; kundi akon gad man adto pinananman hin mga bukad ngan inusukan ko hin krus nga akon ginlabrahan. Hi Ibarra waray baton. —Ngadto didto ha luyo hadton aadto nga krus nga dako, senyor! — nagyiyinakan an lagas ngan nagtitinudlok ngadto hin usa nga daplin, han nakadto na hira ha sakob han panlubnganan. Dako gud man an kan Ibarra nalilibangan han pamurubuot kay waray sabot nga nanhipahungat an mga tawo han pakakilala ha iya han iya pagsulod, nga nangukoy pangadi ngan ginsunod hiya han ira mga paniplat. An batan’on nanginginano han paglakat, paghirot hin pakalakad han mga linubngan nga sinasabot niya kay nalunod an tuna. Ha^to anay iya la adto tinatamakan, yana iya na gintatahod: an iya amay sugad na hadto an hinmumutangan. Inmurong hiya han pag-abot ha luyo han krus nga dako ngan maniplat paluyuluyo. An iya upod nagupong man liwat ngan pinmihaw; nagpinamiling hin tigaman dida
