Page:An-Kaduntan-Han-Bungto-ni-Jose-Rizal-1962.pdf/89

79 requiemeternams. May usa nga tigurangay nga makipatkipat an mata, sinmulod, waray kalo. Han paghikit’i ha iya damo in nagkatatawa, kundi an kababayin’an namagkuriot. Kundi an lagas waray pag-asa ha ira ngatanan kay na:gpadayon la ngadto han tinatambakan han mga ul-ulan, linmuhod ngan magpinamiling han iya mata hin usa nga butang dida ha butnga han katul’anan; katima, hinayhinay, ginwahigwahig an tagsa nga bagulbagol ngan, kay waray pakakaagi han iya ginbibiling, naniplat paluyuluyo, nagkuriot ngan katapos bumuhat ngan say daupon an kamposantero. —Uy!— nganiya. An ginlabtan linmingi. —Maaram ka kun nahangain in usa nga makaruruyag nga kalabera nga mabusag baga in lugit ngan sahid pa hin ngipon, nga nakada akon ibinutang ha tungod hiton krus, ha sirong hadton aadto nga mga dahon? An parapanlubong pinmakuro la han mga sugbong. —Uhuna! — nagsiring an lagas, ipinakikita ha iya palad in kuwarta nga gisalapii; —waray ko iba hini, kundi ihahatag ko ha imo kun imo hiagian. An inggat han salapi nakakapamurubuot han parapan­ lubong, salit sinmiplat ngadto han tinatambakan han mga tulan ngan sumiring: —Kay waray didto? Waray? Ta, ambot daw ngahaw kun hain. —Pamati na! Baydan ngani ako hiton nagpapakautang ha akon tatagan ta pa ikaw, — an siring han lagas. —An ulo adto han akon asawa; maaram ka na, hiagian mo ngani. . . —Kay waray didto? Ta, waray ako kalibutan kun na­ hangain ito. Kun buot ka, tatagan ta ikaw hin lain nga ul-ulan! —Masugadsugad ka hiton lubnganan nga imo ginkukutkot! — iginmusak hiya han lagas nga nahahangit na; — diri ka maaram han himurulsan nga buhat. Kanay ito lub­ nganan? —Nasabot ba ako kun kanay ini? Kanan minatay!— namumungot na man liwat an usa. —Baga an lubnganan, amo gud an lubnganan! — an pulong han lagas nga nagtinawa hin mamara; — diri maa-