71
Ta, kun asya man, an Dios ada?
Hay! an niaupay nga Dios diri nakakatandog han
mga kasingkasing, diri nakakapugyat han pangaturog han
taghimungto: diri ha ira nakakapakurog hin kahadlok, ngan
kun pananglit hinnanabihan Hiya didto hin usa nga wali,
danay man may makahunahuna pagkasiring: “Hinaot pa
unta kun may usa nga Dios! ...” Waray gud may nahanunumdom han maupay nga Ginoo: an mga santos ug mga
santas asya an naguop han mga hunahuna. Dito hadto
nga mga tawo, an Dios masugadsugad na la hin usa hiton
angay pairan nga mga hadi nga ginlilibutan hin mga kortesanos: an bungto diri napaabot ngadto han hadi, dida na
la han mga kortesanos.
An San Diego masugadsugad hin usa nga Roma, kundi diri an Roma han tistis nga Romulo nga nagamit hin
arado pagbadlis han paninindugan han mga kuta, diri man
liwat an Roma nga, putos na han iya la ngahaw dugo ngan
han dugo han mga taga lain nga tuna, nga naglalarang hin
balaod han bug-os nga kalibutan, diri!: masugadsugad han
Roma nga katalagibay, an ginkakalainan la kay waray mga
monumentos nga marmol ug mga koliseos, kundi monumentos la nga amakan'21 ngan hin bublangan nga pawod.
An padi amo an Papa ha Vaticano; an alperes han Guardia
Civil asya man an Hadi ha Italia didto ha Quirinal, kundi
ngatanan iginmamalaigo ug iginsusukol han amakan ngan
han pawod. Ngan dinhi, sugad man didto, waray katapos
an sinuhaysuhay, kay tagsa ha ira karuyag nga say an labaw ug an ikaduha waray gamit. Igpapahayag ta ug igaasoy an gawi hini ngaduha.
Hi Fr. Bernardo Salvi asya adton batan'on nga pransiskano nga aton na hinnabihan ha unhan. Dida han iya
batasan ug pamahungpahong nalutod hiya kaupay han iya
mga igkasi pransiskano, labi na han iya sinundan, an masulasuka nga P. Damaso. Hiya malapis, masakiton, haros pagtinakmod la gihapon an buhat, tuptop han mga turumanon han tuluuhan ngan maminangnuon han iya ma
upay nga ngaran. Usa kabulan tikang hiya umabot, haros
an ngatanan nanngapi ha V. O. T., nga nakabudlay han luyo
nga pundok nga amo an Cofradia han Santisimo Rosario.
An kalag nalukso hin kalipay ha pagkita nga nanhihisabong ha tagsa nga liog in tig-upat o tiglima ba nga eskapularyo, ngan ha tagsa nga hawak narihihitakgong in pisi nga bi-
Page:An-Kaduntan-Han-Bungto-ni-Jose-Rizal-1962.pdf/81
Jump to navigation
Jump to search
This page has not been proofread.