55
mga tiil, hinangkupan ko, nangaro ako hin pasaylo ha iya ngan nagsiring ako nga andam ako paggikan. . . An paghingusbo ni Ibarra nakautod han pagbasa: An batan’on ginduduruas, naglalakatlakat hin balikbalik. —Inaano ka? Ano in naabot ha imo? — nakapakiana hi Maria Clara. —Imo ako ginpakalimot nga may ada ko mga turumanon, nga angay ako lumakat yana ngahaw ngadto ha akon bungto! Buwas adlaw han mga minatay. Hi Maria Clara waray pagyakan, itinutok hin usa kadali kan Ibarra an iya magruyo nga mga mata ngan kumapot hin pira nga bukad, namulong ha dako nga paghinangop: —Kadtuna, diri ta na ikaw paglalanganon; ha sulod hin pira kaadlaw magkikita kita liwat! Ibutang ini nga mga bukad ha bawbaw han linubngan han imo mga kaganak! Mga pira kaminutos tikang hadto hi Ibarra nalusad ba hagdanan binubunyugan ni Kapitan Tiyago ngan ni Dada Isabel, ba man hi Maria Clara napasingadto han sulod nga pangaradian. —Alayon kita pagsiring kan Andeng nga andamon an balay kay makathon hira Maria ngan hi Isabel! Maupay nga paglakat! — an pulong ni Kapitan Tiyago hamtang nasakay hi Ibarra han kotse nga ngadto paturon ha plasa San Gabriel. Hi Kapitan Tiyago, katima hadto, dapit paglibang kan Maria Clara nga nagtitinangis ha tungod han ladawan han Virgen, nagsiring: —Kadtuna, dagkot maduha nga kandila nga kahation, usa didto kan Senyor S. Roque ngan usa kan Senyor S. Ra fael darayigon han mga maglalakat. Dagkuti an lanterna ha Ntra. Sra. de la Paz y Buenviaje kay damo inin mga tulisan. Gabay hius’an kita kasalapi nga kandila ngan hitul’an ngadako nga lana, ngan diri kita unina hidak’an hin salapi nga
iglulukat.
