54
diri buot magbayad !(18)—an siring niya nga nahakakatawa, pagpakita nga makawiwili la adto nga mga buwa. —Sst! Bulat la! kay babasahon ko, lalaktawan ko la iton imo mga buwa nga pagdayaw basi diri ka mabigit. Ngan itinungod an papel ha iya mga mata basi diri an batan’on makakita han iya nawong, magtikang:
—“Akon ...” — di ko babasahon iton sunod kay buwa liwat! ngan subayon an mga rumbay han mga mata —Hi tatay karuyag nga ako gumikan bisan duro an akon pamaribad. ‘Lalaki ka’, nganiya pa, ‘ngan angay ka magpanhunahuna han imo kabubwason ug han imo mga turumanon. Angay ka mag-aram han hibaro ha pagkabuhi, han hibaro nga diri mahatututdo han imo tuna nga lugaringon, kay basi unina pagpulsan ka niya. Kun madinhi ka la ha akon gihapon, ha akon lambong, dida hini nga mga kagupnganan, diri ka hababaro hin paniplat hin higrayo; ngan ha adlaw nga mawara ako ha imo mga mata, masusugad ka han banwa nga hinnabihan han aton magsiriday nga hi Baltazar:09’ Kay natubo ha tubig, ha usa kadali Nga diri pagbunyagi, nauga han sirak.
Kita la hito! Dako ka na nagtutuok ka pa” Tinmugkad ha akon kasingkasing ini nga mga buyboy salit nagtug-an ako nga nahagugugma ako ha imo. Hi tatay waray pagyakan, nanhunahuna, ngan dun’an ako ha sugbong, namulong hin nakurog an tingog: ‘Nakakasiring ka nga ikaw la in maaram mahagugma, nga hi imo tatay diri man na hagugugma ha imo ngan dako niya nga kasakit nga magikan ka? Diri pa la maiha nawad’an kita kan imo nanay; ako tikadto na ha katigurang, panuigon nga nagkikinahanglan na nga sumarig ug pagliawon han mga batan’on; kundi, bisan la, diri ko riniriwa an akon pag-usaan, ngan nagruruhaduha ngani ako nga ighibalik ta pa ikaw pagkita . . . Kundi, kaangayan turunan in hagtaas nga panhunahuna . . . An kabubwason bukas pa ha imo, ha akon tinahuban na; an imo higugma tiarabot pa, an akon tiharayo na; an adlaw napasukob pa han imo dugo, an hagkot say na ha akon nalaoy, ngan aadi nagtatangis ka, diri ka maaram mag-ula han imo yana panahon tungod hin himurulsan nga kabubwason, nimo ug han imo tuna!’ An mga mata ni tatay napuno hin mga luha, nahapaluhod ako ha iya
