28
hin tuhil, angay gud man ha iya. An mga didtuanon nabayad kundi nagbabadyangas ha iya; hiya natulon na la hin
laway ngan nasukot gihapon, ngan dida hini nga kaburut’on
waray tinatahod nga bisan hino ngan iginkabarubalyo hin
magraot nga pulong han imo amay.
Usa kaadlaw nahanabo nga, han ginsisinuhisuhi niya
in usa nga papel, nga idinuhol ha iya didto hin usa nga
tindahan, ha pagbiling niya han katungaydan, usa nga bata
nga nakainaw nagkininhaton han iya kaupdanan ngan magtinawa, gintitinudlok hiya. Ini nga tawo nakabati han katatawa ngan inmabat han badyangas ha iya dida han magnanong nga nawong han tagsatagsa nga tambong. Nawad’an
hin kaburut’on, inatubang niya ngan panlanaton an kabataan nga naghindadlagan, nagginugliat hin ba, be, bi, bo,
bu. Duro an iya kasina ngan tungod kay waray niya may
hin-abutan, sinalibay niya an kabataan han iya dara nga
tungkod ngan nakaigo ngan nakasamad ha ulo hin usa nga
bata nga, han katumba, iya daupon ngan pagtamakan, ug
waray dida han mga tambong nga namamagbinadyangas
may ginmahon pagtabag. Iginkapalad nga maraot nga
linmabay dida hadto an imo amay: tungod han diri pakailob pagkita, dinalagan niya an parapanukot, kinaptan ha
butkon ngan pagbinusaan. An parapanukot nga tingali
tungod han kangaralson mapula an pagkita han bisan ano,
hinmagyo han kamot, kundi an amay mo nga tulin han
magkusog nga mga vascongadosH) waray pauna ngan . . .
nasiring an iba nga sinuntok, an iba nasiring nga itinikwang la„ kundi an tawo nahapariigdiig ngan ha pira kapitad
natumba didto an ulo hibunal ha usa nga bato. Hi D. Ra
fael naghinayhinay pagpurot han bata nga samad ngan
dad’on ha tribunal. An nag-artilyero nagsinuka hin dugo
ngan waray na himagutaw’i, namatay ha sakob hin pira kadali. Kay kaiya na gihapon, inmirog an mga punuan, an
imo amay nabilanggo ngan dida na ngahaw pagpangulpot
an ngatanan nga hadto tago la anay nga mga kaaway. Inmuran an mga butangbutang, iginsumbong hiya hin kapilibustero(5) ngan kairihis: an kairihis usa nga kawaray palad
bisan diin, labi na hadto nga panahon nga an hukom usa
ijga tawo nga nagpapakamakidiyos, nga nagrurusaryo hin
dako nga tingog didto ha singbahan kasabat an iya mga
suruguon basi tingali an iba makabati ngan sumabat; kundi
an kapilibustero labi pa kamaraot han kairihis ngan darudako
Page:An-Kaduntan-Han-Bungto-ni-Jose-Rizal-1962.pdf/38
Jump to navigation
Jump to search
This page has not been proofread.