27
paghilom, paglimusan ko an kapadian nga diri nagkikinahanglan, bumayad ako hin Bula de Composicion(j) kun magtinangis man ako ha adlaw-gab-i? An balo ngan han mga ilo ? An ha akon nga pagbati, kaangayan gud nga talinguhaon ko ha sakob han mahihimo an pagliwan hadton tawo nga akon ginpatay; angay ko ighalad an bug-os ko nga kinabuhi ha kaupayan hini nga mga tawo nga iginbutang ko ha kakurian ngan bisan pa ngani, bisan pa ngani, hino in makakagliwan han higugma han bana ngan han pagmayuyo han usa nga amay?” Asya ini an pangatadungan hadton imo amay ngan dida hini nga mahugot nga lagda ba panggawian hiya pagsusunod ngan mahihimo ta hin pagsiring nga waray gud hiya pakabudlay han igkasitawo; lugod iya pa ngani gintatalinguha, ha maupay nga binuhatan, an pagpara han sinisiring niya nga diri matadong nga binuhatan hadton iya kaaapuyan. Kundi, balika ta an mga kasiribton nira ngan han padi nga nagtitikadako la; hiya hinnanabihan ni P. Damaso didto ha walihan ngan kun diri hiya nginangaranan hin dayag, usa nga katingalahan, kay dida han batasan ni P. Damaso angay gud pagpamulaton an bisan ano. Akon adto gintitinagnaan nga, maiha, magdali, maghihimadarako. An tigurang nga tenyente inmukoy liwat.
—Hadto nga panahon naglilinakat ha lalawigan in usa nga nag-artilyero, nga ginpaiwas didto han ira kompaniya tungod kay uraura kabanyaga ngan kawaray hibabruan, — nagpadayon.— Tungod kay an tawo nagsisiring hin mabuhi ngan tungod kay diri nahatutugot ha iya an mga buruhaton nga ginpupulawas kay bangin makadaot han amon dungog, gintungdan, ambot kun hino in nagtungod, hin kaparapanukot han buhis han mga sarakyan. Ini nga sadang pairan nga tawo waray karawat bisan magutiay na man la nga hibaro ug an mga bungtuhanon sinmabot hini dayon: usa gud nga katingalahan nga in usa nga katsila diri maaram magbasa ngan magsurat. Tiawtiaw na la ngatanan an nakakarawat hini nga waray palad nga napihaw dida han kadam’an kun nagsusukot na han buhis nga iya panurukton, ngan maaram nga gintitinawaan hiya, salit nadugang hin kamaraot an iya batasan nga daan na waray pulos. Tinutuyo han mga tawo pagduhol ha iya hin tuwad han mga sinurat; hiya man nasikaungod pagbasa ngan pagpirma han iya ngaran ha bisan diin nga bahin han papel nga hikit’an nga diri sinuratan, an agi pa ba nga daw an tamak
