211
sion an Rueda de la Fortuna; diri na ako makumpisal ha iya. Dida han ngatanan nga balay may nalutod nga uusa nga diri sinug’an ngan diri ngani binuksan an mga tangbuanan; asya an balay han alperes. Hinpapausahan adto ni Maria Clara.
—An danggab! An Musa han Guardia Civil, siring pa han lagas! — nagyakan an waray paghirot nga Sinang.
—Ano in labot niya hinin aton mga kalipay? Nangingisog ito yana! Abata kun umabot an kulira kun diri ba managtawo.
—Kundi, Sinang! — iginmugo hiya liwat han iya patod.
—Waray gud ako hito ayon, labi na tikang ipapagsamok niya an aton kalipay han iya mga gwardya sibil. Kun Obispo la ako, pagkakaslon ko ngan hi P. Salvi . . . Kikitaon niyo in mga anak! Harumamay nga iginpapadakop intawon an paraulin nga say pa linmukso ngadto ha tubig, tungod la hin paghatag hin kaburut'on. . .
Waray na pakatapos han iya ginyayakan: didto ha eskina han plasa, ha dapit ha may ginkakantahan hin usa nga buta nga dinuduyugan niya ngahaw han iya sista, may katingalahan nga kiritaon.
Asya in usa katawo nga natakukong hin lukay ngan dunot an panapton. An iya sul-ot asya in usa nga amerikana nga halaba ngan gurayguray, ngan hin usa nga saruwal nga halapad, daw kanan insik, ngan luhuluho na. Usa nga dunot nga sapatos asya an nakakahanig han iya mga tiil. An iya bayhon natatago ha lambong han takukong,l7) kundi didto han linalambungan danay usahay umidlap in duha nga silaw nga nawawara ha gilayon. Hataas an iya tindog ngan dida han iya mga kiwa inaabat nga tingali batan’on pa. Nabutang hiya hin usa nga singlot ha tuna ngan dayon paaantaw, nagngungurob hin mga tingog nga urusahon, diri sarabuton, nagtitinukdawon la, nag-uusaan baga sugad hiton nagsisipaghirot hiya ngan han kadam'an nga nagkikita. Hamtang hiya antaw naghihindaop in kababayin’an ngan namumutang dida han iya singlot hin mga prutas, isda, bugas ug iba pa. Unina kun waray na napahirani han singlot amo na man in panhihibatii didto han bayhon nga linalambungan han takukong, hin mga tingog nga labi kamagsamdong, kundi diri uraura kamagpakaluluoy: amo an iya pagpasala-
