tan’on namati anay han piyano nga gintuktok han organista dida han bungto.
— Didto ko ngani hibabatii ha singbahan sinasayawsayaw ako; yana nga nagtutuktok hiton piyano pinaparupangadi ako. Salit maupod ako ha iyo.
— Buot ka umupod ha amon yana nga gab-i? — nagpakiana hi Kapitan Basilio ha talinga ni Ibarra han pagipagkaralusad; — hi P. Damaso magbabangka madaliay.
Hi Ibarra hinmiyom ngan binmaton hin usa nga kiwahan ulo nga mahihimo pakasidnga nga oo, mahihimo man nga diri.
— Hino ito?—nagpakiana hi Maria Clara kan Victoria, sinisiplatan hin dalikyat in usa nga batan’on nga nagbibinunyog ha ira.
— Ito... ito usa ko nga patod, —binaton, dapit nagaalang.
— Iton usa?
— Ito diri ko patod, — binmaton hin waray pag-alang hi Sinang;—anak hin akon dada.
Linmabay hira dida han kombento nga damo liwat an tawo. Waray pakailob hi Sinang hin diri pagmugo han pakakita nga pinanagkutan an mgakadaan nga surugaan nga diri gud pinamamaruktan ni P. Salvi basi diri mapirit pagpalit hin petrolyo. Hinbabatian in mga tingog nga dagko, mga harahara; hinkikit’an nira an kapadian nga namamaglakat hin hinayhinay, sinukol an pitad ngan han pagtangutango han ulo, ngan may mga dagko nga tabako ha baba. An diri mga padi nga nanhihisakot ha ira, nagtatalinguha hin pagsubad han mag-upay nga kapadian. Dida han ira pamanapton nga tinaga-Europa inaabat nga, diri ngani mga manunurat, mga punuan ha lalawigan.
Hi Maria Clara nakasiplat han ligpurok nga lirik ni P. Damaso nga nahatutupad didto han mahamis nga dag way ni P. Sibyla. Waray kiwakiwa, nakadto ha iya linilingkuran an surupaton ngan mahinuklugon nga P. Salvi.
— Masubo!—nagmugo hi Sinang; —nag iinihap ito han salapi nga malusad tungod hiton damo nga sumasaka. Kundi kitaa niyo unina kun diri ba an mga tanod in say Into managbayad, diri hiya. Ngan iton iya mga sumasaka aadto kanunay pangangaon ha iba nga balay.
— Sinang!— sinaway ni Victoria.
— Nangangalas na ako hito pagkita tikang la paggu-
