- Yana, Albino, waray mo na ngahaw hi-aagian nga
kaluhuan sugad didto han mga sakayan, sinmiring hi
Leon han nag-iipagparadi.
Ano, ano ito? -nanmakiana an kalagasan nga mga ginang.
- Mga ginang, an mga baluto waray nga gayod kalu- huan bisan mausa inawa la niyo ini nga pinggan,-gin-asu- yan ni Leon.
- Hesus nga anitan! sinmiring hi Dada Isabel, nag- hihipahiyom.
- Sayod ka na, Go. nga Alperes, kun hino an tam- palasan nga nagduyag kan P. Damaso? pinmakiana hi P. Salvi han alperes dida han pangaon.
- Tampalasan nga kakano, P. Cura? - nakapakiana an alperes tikang didto ha sakob han baso nga iya iniinman han bino.
-May iba ba? An kasankulop nga nagdabal kan P. Damaso ha dalan!
- Nagdabal kan P. Damaso? - nanmakiana in ka- dam'an nga tingog. Dapit nahakatawa an kuwadhutor.
- Oo, yana hi P. Damaso aadto nahigda! Gintataha- pan nga asya la ngahaw hi Elias, an nagtanlod ha imo didto han lam-aw, Go. nga alperes.
An alperes nagpamulapula hin kaalo, o kun tungod na ba adto han irinmon.
- Ada, hunahuna ko adto, dapit badyangas ni P. Salvi, nga sayod ka hito nga hinabo. Nganakon, kay alperes han Guardia Civil . . .
Kinagat han militar an iya im-im ngan mamaribad hin diri asya nga baribad.
Dida hini inmulpot in usa nga babayi nga duason, magasaay, kunitkunit an panapton: waray ha iya may na- kakita han iya pagtiharani kay waray niya tingol ngan hi- nay an iya paglakat nga kun gab-i pakakasidngon nga murto.
- Pakaunon ito nga makaluluoy nga babayi! sin- miring an kalagasan; oy, kadi, daop ngadi!
Kundi an babayi nagpadayon la han iya lakat ngan say tinadong an lamisa nga tinatangkaan han padi; ini linmi- ngi, nakakilala ha iya ngan hinbuhian an sipol nga iya bit- bit ha kamot.
- Pakauna ini nga babayi! - nagsugo hi Ibarra.
