abiabi ha iya hin maupay nga kaburut'on ngan magpada-
ra ngadto hin tulo nga pabo ngan pakadtuon pa an iya mga
suruguon papamulig.
An padi sinugat han ngatanan, pati han alperes, hin matinahuron ug maupay nga kaburut'on.
Kundi, tikang diin hi V. R.? pinakianhan hiya han alperes han pakakita nga kuriskuris an iya bayhon ngan an iya sutana puros hin mga dahon ngan hin mga ka- pinit hin sanga nga dumog. Nahulog hi V. R..?
- Waray, nawara ako!- binmaton hi P. Salvi ngan tinmamod panginano han iya pamanapton.
Nanngungukab hin mga botelya hin limonada, nan- mamagtak hin silot nga andam han nasagka tikang didto ha tubig basi uminom han matam-is nga sabaw ngan kuma- on han mahumok nga unod nga mabusag pa han gatas; an kadaragan'an pinanunulhan hin mga kuwintas nga ma- rol nga sinaktan hin rosas ngan hin burak nga nakakahamot han linugay nga buhok. Nanlilingkod o nanhihigda dida han mga duyan nga pinanmitay dida han mga sanga han kahoy, kun diri man namamag-urugyag, nag-aalirong dida hin usa nga bato nga halapad diin panhihikit'i in mga bara- ha, ahedres, mga barasahon, buskay ngan hin gudtiayay nga bato.
Igintutdo han padi an buaya, kundi baga may nalili- bangan niya nga panhunahuna, dida na pamati han pag- sidnga nga adto nga kasamdan ha tiyan kan Ibarra adto agi. Igo la nga hadto waray dida hikikit'i an bantog ug diri kilala nga paraulin kay nawara la, waray sabuta, han pag-iarabot han alperes.
Hinmawas hi Maria Clara didto ha tubig, tima na ka- karigo, upod an iya kasangkayan, daw an bukad han rosas ha siyahan nga aga nga iya pagbuswak, nga humog pa han tun-og nairinggat dida han iya mga rahundahon. Ha kan Crisostomo an iya siyahan nga hiyom, an iya siyahan nga kuriot ha kan P. Salvi. Ini sinmabot kundi waray panhay- hay.
Inmabot an uras han paniudto. An padi, an kuwadhutor, an alperes, an gobernadorsilyo ngan hin pira nga kapitan ngan han tenyente mayor nagkatangka didto hin usa nga lamisa nga pinangunguluhan ni Ibarra. An mga iroy waray gud tugot nga tangkaan hin lalaki an lamisa han kababa- yin'an.
