140
— Kay amo man ngani... kay buot ko igsumat ha iyo!
-— Kay ano man in diri mo pagsiring didto pa ha pagtikang?
— Karuyag ko adto igsiring, mga kaginuuhan, kundi hi Kapitan Basilio nagyakan ug waray na ako katagi hin uras... Kinahanglan pagsugton an padi!
— Kinahanglan pagsugton! sinmabat in pira nga lagas.
— Kinahanglan pagsugton kay kun diri ipapapamilanggo kita ngatanan han Alcalde, — nagsiring hin masamdong nga tingog an iba nga tigurang.
— Pag-alagad kamo ngan pagpatron kamo hin iyo la! — naggugliat an mga batan’on nga naghinbuhat ha lingkuran. — Babawion namon an amon amot.
— Nagkasusukot na! —— nagsiring an gobernadorsilyo.
Hi D. Filipo pinmaharani ha iya ngan magsiring hin mapait nga pulong:
-— Iginpahaunong ko an akon kaalo tungod hin usa nga maupay nga hinungdan; ikaw, iginpahaunong mo an imo dungog tungod hin maraot nga hinungdan ngan imo ngatanan ginkarag...
Hi Ibarra nagsiring han magturutdo ha liburan:
— May imo tugon ngadto ha Kabesera? Magikan ako yana ngahaw.
— May ada mo bubuhaton?
— May ada naton bubuhaton? — binmaton hin diri masupat nga kilos hi Ibarra.
Dida ha dalan nasiring an tigurang nga pilosopo kan D. Filipo nga nagbibinasol han iya palad:
— Kita an sayop! Kamo nga waray kamo pamaribad han pagtagi ha iyo hin puno nga uripon, ngan ako, an kabuang ko, kay nahangalimot ako.
XX! KAAGI HIN USA NGA IROY
Hi Sisa nagdidinalagan ngadto ha iya balay dara in usa nga kasamok han panhunahuna nga say ha aton nadangop kun kita inaabutan hin maraot nga palad ngan naabat kita nga waray ha aton natabag ngan napaharayo ha aton an mga paglaom. Dida hito sugad hin nagsisirom ngatanan an aton paniplat ngan kun may aton nakikita nga gutiay nga silaw ngadto ha antaw aton kinakadto bisan kua dida ha dalan nga aton pag-agian may umpas nga halarom.
