kun may ada dinhi hinin mga katarambong iba nga labi
kamaykatadungan ha akon, kundi ako in mag-uuna pamulong tungod kay dida hini nga mga bahin an pag-una
pagyakan diri kay karuyag sidngon nga asya gud an una,
sugad man nga an pagpaurhi pagyakan diri kay an nagyayakan asya gud an urhi. Labot pa, an mga bahin nga akon
pamumulungon amo an mga kasuruk'an nga diri sadang
urhion, salit karuyag ko say umuna pagyakan kay basi ini
nga mga bahin mahimutang ha kaangayan. Sadang ako
niyo tugutan, mga kaginuuhan, nga umuna ako pagyakan
dida hini nga katirok diin ko hikikit'i in kadam'an nga mga
bantugan nga mga pagkatawo nga amo an Sr. Kapitan naton yana, an nagkapitan nga pinili ko nga sangkay hi D.
Valentin, an nagkapitan nga higara ko tikang ha kabata hi
D. Julio, an aton hayaw nga kapitan han mga kwadrilyeros
hi D. Melchor ug iba pa nga mga kaginuuhan nga, basi
diri ko na halab'on, diri ko na la ngangaranan, nga iyo yana
dinhi makikita. Pinangangaro ko ha iyo, mga kaginuuhan,
nga tugutan ako niyo hin pakapamulong ugsa mamulong in
lain nga tawo. Igkapalad ada nga ini nga katirok tumugot hinin ubos ko nga pinangangaro?
Ngan an nagyayakan yinmukbo hin matinahuron, na- hapapahiyom.
—Makakahimo ka pagyakan kay aadi kami andam hin pamati! nagsiring an mga kasangkayan nga iya pinanhinabihan ngan an iba pa nga mga tawo nga nakakasiring nga maupay hiya magyakan: an mga tígurang nagpipinangigham kay pinanhihiayunan ngan namamaghinaruhapyod han ira mga kamot.
Hi Kapitan Basilio, katima pamahid han balhas han panyo niya nga seda, nagpadayon:
—Tungod kay an mga kaginuuhan nagmakiaangayon ug matinuguton hinin akon ubos nga pagkatawo hin pagyakan ugsa in iba makapamulong, pagpapahimulusan ko ini nga pagtugot, nga iginawad hin maupay nga kaburut'on, ngan magyayakan ako. Naiisip ko han akon bug-os nga pag-isipan nga daw aadto ako ha butnga han gitatalahuri nga Senado Romano, senatus populusque romanus, siring pa hin aton, hadton magpakawiwili nga mga panahon nga tungod han kawaray ta palad diri na mabalik, ngan pangangaruon ko han mga Patres Conscripti, siring pa han mga pulong ni Ciceron, kun pananglit hiya in iini ha akon ka-
