ᱛᱚᱵᱮᱹ ᱢᱨᱚᱲᱫᱚ ᱦᱚᱲᱟᱜ ᱩᱭᱦᱟᱹᱨ ᱨᱮ ᱚᱢᱚᱱ ᱠᱟᱛᱮ ᱢᱚᱪᱟ ᱠᱷᱚᱱ ᱯᱷᱚᱴᱮᱞ ᱛᱩᱫᱚᱜ ᱟᱲᱟᱝ ᱠᱚᱨᱮᱭᱟᱜ ᱥᱟᱢᱴᱟᱣ ᱦᱚᱨᱟ ᱠᱟᱱᱟᱹ ᱡᱟᱦᱟᱼᱛᱮ ᱢᱤᱫᱜᱮ ᱨᱚᱲ ᱠᱟᱱ ᱦᱚᱲᱠᱚ ᱢᱤᱫ ᱜᱩᱴ ᱨᱤᱱ ᱟᱠᱚ ᱟᱠᱚ ᱵᱷᱤᱛᱨᱤᱨᱮ ᱨᱚᱯᱚᱲ ᱠᱟᱛᱮ ᱥᱟᱶᱛᱟᱨᱤ ᱟᱨ ᱞᱟᱠᱪᱟᱨᱤ ᱡᱤᱭᱚᱱ ᱠᱷᱟᱱᱰᱟᱣ ᱥᱟᱶᱛᱮ ᱟᱭᱢᱟ ᱠᱟᱛᱷᱟ ᱠᱷᱟᱹᱛᱤᱨ ᱠᱚ ᱜᱟᱯᱟᱞ ᱢᱟᱨᱟᱣ ᱫᱟᱲᱮᱭᱟᱜ ᱟ ᱾ᱞ ᱨᱚᱲᱠᱚᱲ ᱠᱷᱚᱱ ᱚᱰᱚᱠᱚᱜ ᱠᱟᱱ ᱟᱲᱟᱝᱠᱚ ᱦᱚᱛᱮᱛᱮ ᱥᱚᱫᱚᱨᱮᱫ ᱨᱚᱲᱤᱡᱟᱜ ᱩᱭᱦᱟᱹᱨ ᱦᱚᱨᱟ ᱟᱸᱡᱚᱢᱤᱡᱟᱜ ᱦᱟᱛᱟᱝᱨᱮ ᱚᱱᱠᱟ ᱩᱛᱟᱹᱨ ᱜᱮ ᱟᱹᱭᱠᱟᱹᱶᱞᱮ ᱩᱛᱟᱹᱨ ᱨᱚᱲᱫᱚ ᱦᱩᱭ ᱫᱟᱲᱮᱭᱟᱜ ᱟ ᱾
ᱥᱟᱦᱮᱫᱮᱫᱨᱮ ᱡᱟᱦᱟᱸ ᱞᱮᱠᱟ ᱟᱡ ᱛᱮᱜᱮ ᱦᱚᱭᱚᱳᱼ ᱚᱰᱚᱠ ᱵᱚᱞᱚᱱ ᱠᱟᱱᱟᱹ ᱦᱚᱲᱮ ᱨᱚᱲ ᱡᱷᱚᱜ ᱫᱚ ᱚᱱᱠᱟ ᱟᱡ ᱛᱮᱫᱚ ᱦᱚᱭᱚᱝ ᱵᱟᱭ ᱠᱟᱹᱢᱤᱭᱟ᱾ ᱦᱚᱭᱚᱝ ᱫᱚ ᱯᱷᱚᱯᱥᱟ ᱠᱷᱚᱱ ᱥᱟᱦᱮᱫ ᱦᱚᱨᱛᱮ ᱚᱰᱚᱠᱚᱜ ᱡᱷᱚᱜ ᱨᱚᱲᱠᱚᱲᱨᱮ ᱦᱟᱸᱰᱮᱱᱷᱟᱼᱰᱮ ᱛᱟᱹᱠᱤᱡᱚᱜ ᱟ ᱾ ᱚᱱᱟᱛᱮ ᱮᱢᱟᱱ ᱞᱮᱠᱟᱱᱟᱜ ᱟᱲᱟᱝ ᱨᱟᱲᱟᱝᱚᱜ ᱟ᱾ ᱚᱱᱟ ᱟᱲᱟᱝ ᱠᱚᱜᱮ ᱟᱹᱨᱤ ᱟᱹᱱᱩᱡ ᱴᱷᱟᱹᱣᱠᱟᱹ ᱥᱟᱺᱦᱤᱡ ᱥᱟᱢᱴᱟᱣ ᱠᱟᱛᱮ ᱢᱮᱱᱮᱛ ᱮ ᱥᱚᱫᱚᱨᱟᱹ ᱚᱱᱟᱜᱮ ᱟᱹᱲᱟᱹ ᱫᱚᱭ ᱵᱮᱱᱟᱣᱟ᱾ ᱟᱹᱲᱟᱹ ᱠᱚ ᱢᱮᱥᱟᱠᱟᱛᱮ ᱚᱱᱟ ᱛᱟᱭᱚᱢ ᱟᱹᱭᱟᱹᱛ ᱵᱮᱱᱟᱣᱜ ᱛᱮ ᱯᱟᱹᱨᱥᱤᱨᱮ ᱵᱮᱵᱷᱟᱨ ᱦᱩᱭᱩᱜ ᱟ ᱾
ᱦᱚᱲᱟᱜ ᱢᱚᱪᱟ ᱠᱷᱚᱱ ᱚᱠᱟ ᱞᱮᱠᱟ ᱟᱲᱟᱝ ᱚᱰᱚᱠᱚᱜ ᱠᱟᱱᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱠᱷᱟᱱ ᱥᱟᱦᱮᱫ ᱮᱦᱚᱵᱚᱜ ᱠᱟᱱ ᱛᱷᱟᱱ ᱯᱷᱚᱯᱥᱟ ᱠᱷᱚᱱ ᱞᱩᱴᱤ ᱦᱟᱹᱵᱤᱡ ᱨᱚᱲᱠᱚᱲ ᱨᱮᱭᱟᱜ ᱮᱢᱟᱱ ᱴᱷᱟᱶᱠᱚ ᱩᱨᱩᱢ ᱞᱟᱹᱠᱛᱤᱭᱟ ᱾ ᱚᱱᱟᱜᱮ ᱨᱚᱲᱠᱚᱲ ᱢᱮᱱᱛᱮ ᱫᱚ ᱧᱩᱛᱩᱢ ᱟᱠᱟᱱᱟ ᱾ ᱯᱷᱚᱯᱥᱟ ᱠᱷᱚᱱ ᱚᱰᱚᱠᱚᱜ ᱠᱟᱱ ᱦᱚᱭᱚᱝ ᱹ ᱥᱟᱦᱮᱫ ᱦᱚᱨᱛᱮ ᱨᱩᱣᱟᱹᱲᱚᱜ ᱡᱷᱚᱜ ᱢᱟᱬᱟᱝᱫᱚ ᱨᱟᱦᱟ ᱠᱚᱲᱨᱮ ᱛᱟᱹᱠᱤᱡᱚᱜ ᱟ ᱾ ᱚᱱᱟ ᱛᱟᱭᱚᱢ ᱦᱚᱭᱚᱝ ᱱᱟᱹᱨᱲᱤᱹ ᱢᱚᱪᱟ ᱟᱨ ᱞᱩᱴᱤ ᱥᱮᱫᱛᱮ ᱵᱟᱦᱨᱮᱛᱮ ᱚᱰᱚᱠᱚᱜ ᱟ ᱾ᱢᱚᱪᱟ ᱵᱷᱤᱲᱟᱹᱣ
ᱼᱼᱪ ᱼᱼ
