ᱟᱲᱟᱝ
ᱪᱟᱸᱫᱚ ᱵᱚᱝᱜᱟ ᱦᱤᱚᱲᱫᱚ ᱚᱱᱠᱟᱱ ᱫᱟᱲᱮᱭᱮ ᱫᱟᱱ ᱟᱠᱟ ᱦᱟᱫᱮᱭᱟ ᱡᱟᱦᱟᱸᱭ ᱨᱚᱲ ᱫᱟᱲᱮᱭᱟᱜ ᱟᱭ ᱟᱨ ᱮᱴᱟᱜ ᱦᱚᱲᱟᱜ ᱨᱚᱲ ᱦᱚᱸᱭ ᱵᱩᱡᱷᱟᱹᱣ ᱫᱟᱲᱮᱭᱟᱜ ᱟ ᱾ ᱨᱚᱲ ᱫᱟᱲᱮᱭᱟᱜ ᱟᱭ ᱟᱨ ᱨᱚᱲᱮ ᱵᱩᱡᱷᱟᱹᱣ ᱫᱟᱲᱮᱭᱟᱜ ᱟ ᱢᱮᱱᱛᱮ ᱢᱤᱫ ᱴᱷᱮᱱ ᱢᱤᱫ ᱜᱩᱴᱨᱮ ᱛᱟᱦᱮᱸ ᱠᱟᱛᱮ ᱡᱤᱭᱚᱱᱮ ᱠᱷᱟᱱᱰᱟᱣ ᱛᱟᱭᱟ ᱾ ᱚᱱᱟᱛᱮ ᱢᱚᱱᱮ ᱮᱯᱮᱢ ᱪᱟᱯᱟᱞ ᱞᱟᱹᱜᱤᱫ ᱨᱚᱲ ᱚᱠᱟ ᱞᱮᱠᱟᱛᱮ ᱚᱰᱚᱠᱚᱜ ᱠᱟᱱᱚ ᱚᱠᱟ ᱚᱠᱟ ᱴᱷᱟᱣ ᱠᱷᱚᱱ ᱚᱱᱟ ᱚᱰᱚᱠᱚᱜ ᱠᱟᱱᱟᱹ ᱦᱚᱲᱢᱚ ᱨᱮᱭᱟᱜ ᱚᱠᱟᱠᱚᱨᱮᱭᱟᱜ ᱜᱚᱲᱚᱭ ᱦᱟᱛᱟᱣ ᱮᱫᱟᱹ ᱚᱱᱟ ᱵᱟᱰᱟᱭ ᱡᱚᱝ ᱟᱹᱰᱤ ᱛᱮᱫᱜᱮ ᱞᱟᱹᱠᱛᱤᱭᱟᱜ ᱠᱟᱱᱟ ᱾
ᱦᱚᱲᱼᱮ ᱨᱚᱲ ᱠᱟᱱᱫᱚ ᱚᱱᱟ ᱞᱟᱹᱜᱤᱫ ᱫᱚ ᱨᱚᱲ ᱠᱚᱲ ᱠᱷᱚᱱ ᱟᱲᱟᱝ ᱯᱷᱚᱴᱮᱞᱛᱮ ᱦᱩᱭᱟᱭ ᱠᱟᱱᱟ ᱾ ᱨᱚᱲᱡᱷᱚᱜ ᱡᱟᱦᱟᱸ ᱯᱷᱚᱴᱮᱞ ᱛᱩᱫᱚᱜ ᱠᱟᱱᱟᱹ ᱚᱱᱟᱫᱚ ᱦᱚᱭᱚᱝ ᱠᱟᱱᱟ ᱾ ᱡᱟᱦᱟᱸ ᱦᱚᱭᱚᱝ ᱟᱵᱚ ᱥᱟᱦᱮᱫ ᱠᱟᱛᱮ ᱵᱚᱱ ᱵᱟᱧᱪᱟᱣᱜ ᱠᱟᱱᱟᱹ ᱚᱱᱟ ᱦᱚᱭᱚᱝ ᱨᱚᱲ ᱠᱚᱲ ᱠᱷᱚᱱ ᱚᱰᱚᱠᱚᱜ ᱡᱷᱚᱜ ᱦᱟᱱᱰᱮ ᱱᱷᱟᱸᱰᱮ ᱛᱟᱹᱠᱤᱡᱚᱜᱛᱮ ᱟᱹᱰᱤᱞᱮᱠᱟᱱ ᱟᱲᱟᱝ ᱮ ᱥᱟᱰᱮ ᱚᱪᱚᱭᱟ ᱾ ᱚᱱᱟᱛᱮ ᱼ ᱟᱲᱟᱝ ᱥᱟᱰᱮ ᱚᱪᱚᱭ ᱨᱮᱭᱟᱜ ᱯᱷᱮᱰᱟᱛ ᱡᱤᱱᱤᱥ ᱫᱚ ᱦᱩᱭᱩᱜ ᱠᱟᱱᱟ ᱦᱚᱭᱚᱝ ᱾ ᱚᱱᱟᱜᱮ ᱟᱲᱟᱝ ᱫᱚᱭ ᱥᱟᱰᱮ ᱚᱪᱚᱭᱟ ᱾ᱱᱚᱶᱟ ᱦᱚᱭᱚᱝ ᱢᱮᱱᱟᱜ ᱠᱷᱟᱹᱛᱤᱨ ᱦᱚᱲ ᱮ ᱵᱟᱧᱪᱟᱣᱜ ᱠᱟᱱ ᱞᱮᱠᱟ ᱦᱚᱭᱚᱝ ᱜᱚᱲᱚ ᱛᱮᱜᱮ ᱨᱚᱲ ᱦᱚᱸᱭ ᱨᱚᱲ ᱫᱟᱲᱮᱭᱟᱜ ᱠᱟᱱᱟ ᱾ ᱤᱠᱷᱟᱹᱱ ᱱᱚᱶᱟ ᱡᱤᱱᱤᱥᱴᱟᱝ ᱚᱱᱠᱟ ᱞᱮᱛᱟᱲ ᱮ ᱠᱟᱹᱢᱤ ᱠᱟᱱᱛᱮ ᱦᱚᱲᱟᱜ ᱡᱚᱛᱚ ᱠᱷᱚᱱ ᱮᱦᱮᱢ ᱠᱟᱹᱢᱤ ᱦᱩᱭ ᱫᱟᱲᱮᱭᱟᱜ ᱠᱟᱱᱟᱹ ᱚᱱᱟᱫᱚ ᱦᱚᱲ ᱵᱟᱭ ᱛᱷᱤᱛ ᱡᱚᱝ ᱟ ᱾ ᱛᱚᱵᱮ ᱠᱟᱛᱷᱟ ᱨᱮᱫᱚᱭ ᱢᱮᱱᱜᱮᱭᱟᱼ ᱦᱚᱭ ᱡᱤᱣᱤ ᱦᱟᱥᱟ ᱦᱚᱲᱢᱚ
ᱦᱟᱥᱟ ᱨᱮᱜᱮ ᱢᱤᱞᱟᱹᱣᱜ ᱾
